1 Kolinito 12:11 - Tokelauan New Testament

¹¹ Kae ko te Agaga lava e fokotahi te ia faia nā mea uma iēnei; i tana lava filifiliga, e ia fōki ai nā meaalofa kehekehe ki tagata tau tokatahi.

1 Kolinito 12:11 ပူးပေါင်းရင်းမြစ်များ

Mataio 11:26

Io, te Tamana, ko te mea lava tēnei na fofou koe ke fai.

Mataio 20:15

E hē ia te au nei te faitalia ke fakaaogā ai aku tupe ki te mea e fofou au ki ei? Pe ko koe e loto kino auā ia au e kaimakoi?’ ”

Ioane 3:27

Kua tali atu ia Ioane, “E hēai he mea e fokotahi e mafai ke maua e he tino, vaganā te mea e fōki ki ei e te Atua.

Ioane 3:8

Ko te matagi e agi lava ki te mea e loto ia ki ei; e lagona e koe tana agi kae e hē kē iloa pe hau i fea, pe ko fea foki te fano agai ki ei. E vēnā foki lava ho he tino e fānau mai i te Agaga.”

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Loma 12:6

Ko te mea ia, e tatau ke fakaaogā e ki tātou nā meaalofa kehekehe kua ki tātou maua, e tuha ai ma te alofa tūnoa o te Atua. Kāfai ko te tātou meaalofa ko te folafola o te fekau a te Atua, e tatau ke fai e ki tātou fuafua ki te fakatuatua kua ia te ki tātou;

Loma 9:18

Ko te mea ia, ko te alofa fakahao o te Atua e fakaalia ki ho he tino e loto ia ki ei, ma fakamakaka e ia te loto o ho he tino e loto ia ki ei.

1 Kolinito 12:18

Kae ko te mea e i ei, nā tuku lava e Atua nā itūtino kehekehe o te tino ki te mea na fofou ia ki ei.

1 Kolinito 12:4

E i ei nā itūkāigā meaalofa fakateagaga kehekehe, kae ko te Agaga lava e fokotahi te maua mai ai.

1 Kolinito 12:6

E i ei nā itūkāigā mālamalama kehekehe e fakatino ai nā tautuaga, kae ko te Atua lava e fokotahi te maua ai te mālamalama e tagata uma, mo a lātou gāluega e tautua ai.

1 Kolinito 7:17

Tuku vē ki te tino lava ia, ke ola i te ōlaga nae i ei ai i te taimi na filifilia ma kalagagia ai e te Atua ke kavea mo ia. Ko te mea tēnei e fakatonu lava e au ki nā Ekalehia uma.

1 Kolinito 7:7

Ko te meamoni lava, e hili atu toku fofou ko koutou ke vē ko au; kae e tofu lava te tino ma te meaalofa fakapitoa mai te Atua, ko tētahi tino ko tēnei tana meaalofa, ko tētahi ko tēnā tana meaalofa.

2 Kolinito 10:13

Kae e vē la ko ki mātou, ko to mātou fāfifia e i ei ona tuākoi; e gata mai lava i nā tuākoi o te gāluega kua tuku mai e te Atua mo ki mātou, ma e aofia ai to mātou gālulue ma koutou.

Efeho 1:11

Ko nā mea uma e fakatino e tuha ai ma te fuafuaga vēnā ma te finagalo o te Atua; ma kua filifilia ki tātou e te Atua ke fai ma ona tagata i te hokotaga ma Keliho, ona ko te mea lava ia na fofou ia ki ei mai te kāmataga.

Efeho 4:7

Ko te alofa tūnoa kua fōki mai e te Atua ki a te ki tātou tau tokatahi e vē foki lava ko te lahi o te meaalofa a Keliho ki a te ki tātou.

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.