1 Kolinito 12:1 - Tokelauan New Testament

¹ E tuha ai ma te mea na tuhi mai ai koutou e uiga kinā meaalofa mai te Agaga Paia. Te kau uho, ko au e fofou ke iloa e koutou te meamoni e uiga kinā mea iēnei.

1 Kolinito 12:1 ပူးပေါင်းရင်းမြစ်များ

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

1 Kolinito 10:1

Te kau uho, e fia fakamanatu atu e au ki a te koutou te mea na tupu ki nā tupuna o ki tātou na mulimuli ki a Mohe. Nae i lalo uma ki lātou o te puipuiga a te ao, ma na kui loto uma ki lātou o te Tai Kukula ma te haogalēmū.

1 Kolinito 14:37

Kāfai he tino e manatu ko ia ko he pelofeta, pe kua ia te ia he meaalofa fakateagaga, e tatau ke ia hāfia ko te mea e tuhi atu ai au, he fakatonuga e a te Aliki.

2 Kolinito 1:8

Ko ki māua e fofou ke fakamanatu atu ki a te koutou, te kau uho, nā puapuagā na pa ki māua ki ei i itūmālō o Ahia. Ko te lahi ma te mamafa o te kavega na fakauta mai ki o mā luga, na pa ai ki māua ki he tūlaga fakahētonu ma na mea e uma ai o mā ola.

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

1 Tehalonia 4:13

Te kau uho, ko ki mātou e fofou ke iloa e koutou te meamoni e uiga ki nā tino kua oti, kae ke nahe fakanoanoa ai koutou e vē ni tino kua hēai he fakamoemoe.

2 Petelu 3:8

Kae ko koutou te kau uho pele, nahe puli lele i te mea tēnei e fokotahi! E hēai he kehekehega o te aho e fokotahi ma te afe tauhaga, i te kikila a te Aliki. E tutuha lava nā mea iēnei e lua ia te ia.