27 Kae ko ai lava e kai ki te falaoa a te Aliki ma inu ki tana ipu i he faiga e takuvalea ai ia, kua agahala ia ona ko tana mea kino kua fai ki te tino ma te toto o te Aliki.
“Kae i te hauga o te tupu ki te mea nae fai ai te kaiga ke kikila ki te kau valakaulia, oi kitea ai e ia he tamāloa e hē faia ni ona kofu lelei mo te fakaipoipoga.
Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”
E hē mafai koutou ke inu ki te ipu a te Aliki ma inu foki ki te ipu a tēmoni; e hē mafai koutou ke kakai i te laulau a te Aliki ma kakai foki i te laulau a tēmoni.
Auā kāfai e hē talia e koe te uiga o te tino o te Aliki i te taimi e kai ai koe ki te falaoa ma inu i te ipu, kua kē tuku atua lava koe ki te fakamahinoga.
He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!