1 Kolinito 11:2 - Tokelauan New Testament

² Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 11:2 ပူးပေါင်းရင်းမြစ်များ

Luka 1:6

Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

1 Kolinito 11:17

Kae i nā fakatonuga iēnei i lalo, ko au e hē fakamālō atu ki a koutou, auā ko autou māfutaga tau tāpuakiga, e hē ke lelei ātili ai kae ke kino ātili ai.

1 Kolinito 11:22

E hēai nei ni fale mo koutou lava ke kakai ma inu ai koutou? Pe ko koutou e inoino ki te Ekalehia a te Atua, ma fofou koutou ke fakamahiahi nā tino mātitiva? Ka vēhea atu nei au? Ka fakamālō atu nei au ki a te koutou? Hēai! E hē faia e au he mea vēnā!

1 Kolinito 15:2

Ko tēnā te Tala Lelei, te fekau kua folafola atu e au ki a te koutou. Ko koutou e fakaola e te Tala Lelei pe kāfai koutou e pipiki mau ki ei — vaganā ai la e hēai he uiga o te koutou talitonu.

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

1 Kolinito 7:17

Tuku vē ki te tino lava ia, ke ola i te ōlaga nae i ei ai i te taimi na filifilia ma kalagagia ai e te Atua ke kavea mo ia. Ko te mea tēnei e fakatonu lava e au ki nā Ekalehia uma.

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

1 Tehalonia 3:6

Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

2 Tehalonia 2:15

Ko te mea ia te kau uho, fakamālolohi ma tāofi ki te meamoni na akoako atu e ki mātou, e ala ia mātou kupu ma i ta mātou tuhi.

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.