1 Kolinito 10:7 - Tokelauan New Testament

⁷ ke nahe ifo ai ki nā tupua, e vē ona faia e iētahi o ki lātou. E vē oi leamai te tuhituhiga paia, “Kua nonofo ki lalo ia tagata ke kakai ma inu, oi tutū ai ki luga kua hihiva i mua o te tupua.”

1 Kolinito 10:7 ပူးပေါင်းရင်းမြစ်များ

Gāluega 15:20

Kae e tatau ke fai he tātou tuhi ki ei, ma lea ki ei ko ki lātou nahe kakai ki nā meakai e hē mamā i nā itū tau tāpuakiga, ona na ofo ma tāulaga ki nā tupua; ke kalo kehe ma tuinanauga kino ki te tino; ke nahe kakai ki he manuvaefa na titina, pe ho he toto.

1 Kolinito 10:14

Ko te mea ia, te kau uho pele, koutou ke kalo kehe mai te ifo ki tupua.

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

1 Kolinito 8:7

Kae e hē ko tagata uma te ki lātou iloa te meamoni tēnei. Ko iētahi tino na ola ake lava ma te talitonuga ko nā tupua ni mea e i ei ni ola ma ke pa mai lava nei, kāfai e kakai ki nā meakai vēnei e manatu lava ko nā meakai e mo he tupua; e vāivai to lātou lotofuatia, ma e manatu ko ki lātou e hē mamā i nā meakai.

1 Ioane 5:21

Taku fānau, koutou ke tau mamao ma nā atua pepelo!