1 Kolinito 10:27 - Tokelauan New Testament

²⁷ Kāfai koe e valakaulia e he tino fakapaupau ke kakai ma ia ma kua talia e koe tana kalaga atu, kai ki ho he meakai e laulau atu ki ō mua, e aunoa ma he fakafehili ona ko tō lotofuatia.

1 Kolinito 10:27 ပူးပေါင်းရင်းမြစ်များ

Luka 15:23

Oi olo ai kaumai te punuapovi peti oi tāmate, ma tātou kakai ma fiafia.

Luka 19:7

Ko nā tino uma na ki lātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”

1 Kolinito 10:25

E taga te kakai o koutou ki ho he mea mai te māketi e fakatau ai nā kanofi manu, e aunoa ma he fakafehili ona ko outou lotofuatia.

2 Kolinito 1:13

Ko ki māua e tuhi atu oioti i nā mea e mafai ke faitau ma mālamalama koutou ki ei. E ui lava la ko hēki kātoatoa te koutou mālamalama, kae e fakamoemoe au ka mafai ke fakakātoatoa lelei, kae ke pa atu ai ki te Aho o to tātou Aliki, ka mafai ke fiafia koutou ona ko ki māua, ma ka vēnā foki ki māua ona ko koutou.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.