1 Kolinito 10:20 - Tokelauan New Testament

²⁰ Hēai! Ko te uiga o taku lea atu, ko nā mea e ofo atu ma tāulaga e tagata fakapaupau, e ofo atu ki nā tēmoni kae hē ki te Atua. Ko au e hē fofou ko koutou ke fai ma hoa o nā tēmoni.

1 Kolinito 10:20 ပူးပေါင်းရင်းမြစ်များ

Mataio 4:9

Kua lea atu te Tiāpolo, “Ko nā mea uma lele iēnei ka fōki atu e au mo koe, kāfai koe e tōtuli ki lalo oi ifo mai ki a te au.”

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

Kalatia 4:8

I nā aho kua teka, nae hē koutou iloa te Atua, ma nae fai koutou ma pologa a ni atua e hē ni atua moni.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

Fakaaliga 2:20

Kae ko tēnei te mea e hē fiafia ai au ki a te koutou: e hēai lele houtou teteke ki te fafine ko Iehapela, tēia e lea ko ia ko he pelofeta e a te Atua. E fakahehē e ia aku kaukauna e ala i ana akoakoga, ke ki lātou faia nā tuinanauga mātagā ki te tino, ma ke kakai ki nā meakai kua uma te fakatō mo nā tupua ta.

Fakaaliga 9:20

Ko nā tino na totoe, ki lātou e hēki feoti i nā mala, e hēki liliu kehe lele mai nā tupua na ki lātou gaohia. E hēki uma to lātou tāpuaki ki nā tēmoni, pe ko nā tupua e gaohia i te aulo, hiliva, apamemea, fatu ma nā lākau, nā mea e hē mafai ke kitea pe lagona he mea, pe mafai ke havavali.