1 Kolinito 10:14 - Tokelauan New Testament

¹⁴ Ko te mea ia, te kau uho pele, koutou ke kalo kehe mai te ifo ki tupua.

1 Kolinito 10:14 ပူးပေါင်းရင်းမြစ်များ

Gāluega 15:20

Kae e tatau ke fai he tātou tuhi ki ei, ma lea ki ei ko ki lātou nahe kakai ki nā meakai e hē mamā i nā itū tau tāpuakiga, ona na ofo ma tāulaga ki nā tupua; ke kalo kehe ma tuinanauga kino ki te tino; ke nahe kakai ki he manuvaefa na titina, pe ho he toto.

Loma 12:19

Oku uho, ia koutou lele nahe tauimahui, kae tuku vē ki te tōkahā o te Atua ke ia tauia. Auā e lea mai te tuhituhiga paia, “Ko te tauimahui e āku, ka kō toe tauia lava, kua vāgana ai te Atua.”

1 Kolinito 10:15

Ko au e tautala vēnei atu ki a te koutou ko koutou ni tino e mālamalama; fakamāhinohino ifo e koutou nā kupu e tautala ai au.

1 Kolinito 10:19

Ko te uiga nei la o taku lea atu, ko he tupua pe ko nā meakai e ofo atu ki ei, e i ei he uiga?

1 Kolinito 10:7

ke nahe ifo ai ki nā tupua, e vē ona faia e iētahi o ki lātou. E vē oi leamai te tuhituhiga paia, “Kua nonofo ki lalo ia tagata ke kakai ma inu, oi tutū ai ki luga kua hihiva i mua o te tupua.”

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

2 Kolinito 11:11

Ko au nei e lea vēnei ona ko au e hē alofa atu ki a te koutou? E iloa e te Atua ko au e alofa ki a te koutou!

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 12:19

Ātonu pe ko koutou e vēakē ko ki mātou e fīnau atu mo ki mātou lava. Hēai! Ko ki mātou e tautatala lava e vē ko te mea e fofou ia Keliho ke tautatala ai ki mātou i mua o te Atua, ma ko nā mea uma e ki mātou faia, e mo te atiakega o koutou a mātou uō pele.

2 Kolinito 6:17

Na vāgana foki te Aliki, “Olo kehe ma ki lātou ma nahe toe koutou nonofo fakatahi. Koutou nā fakapipiki ki te mea e hē mamā, oi talia ai koutou e au.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

Filemoni 1:1

Mai ia Paulo, tē kua kavea ma pagotā ona ko Keliho Iehu, ma to tātou uho ko Timoteo — Ki a Filemoni, te uō ma te hoa i luga o te gāluega,

Epelu 6:9

E ui lava ko ki mātou e tuhi atu i ni kupu vēnei te kau uho pele, e mautinoa e ki mātou ka koutou filifiliagia te auala e maua ai te fakaolataga.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

1 Ioane 5:21

Taku fānau, koutou ke tau mamao ma nā atua pepelo!

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.