1 Kolinito 10:13 - Tokelauan New Testament

¹³ Ko nā tofotofoga kua pa koutou ki ei ko te itūkāiga lava e tahi e maua ai foki ia tagata uma. Kae ko te Atua e tauhi ki tana folafolaga, ma e hē ia tukua koutou ki he tofotofoga e hili atu i lo te koutou mālohi ke mau lelei ai autou tutū; i te taimi e tofotofo ai koutou, ka fōki atu e ia te mālohi ke maua ai e koutou te onohai, ma mafai ai ke hao kehe koutou.

1 Kolinito 10:13 ပူးပေါင်းရင်းမြစ်များ

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Luka 11:4

Fakamāgalo a mātou agahala, e vē oi fakamāgalo e ki mātou nā tino uma e faikino mai ki a te ki mātou; ma nahe takitakia ki mātou ki nā fakaohoohoga.’ ”

Luka 16:26

E hē gata i tēnā, kua i ei te vanu loloto kua i to tātou va, kae ke nahe mafai ai ni tino e fia oatu mai kinei ki kinā, pe ni tino mai kinā e fia ōmamai ki kinei.’

Luka 22:46

Oi lea vē atu ai ki ei, “He ā te momoe ai koutou? Nonofo ki luga oi tatalo ke nahe pa koutou ki ni fakaohoohoga”

Gāluega 27:44

ko nā tino e totoe, ka mulimuli atu e lagalagai i nā laupapa loloa pe ni vāega o te vaka kua malepe ma to kehe. Na vēnā la te auala na hao uma ai ki mātou ki gāuta.

1 Kolinito 1:9

Ko te Atua e fakamāoni, te Atua na kalaga atu ki a te koutou ke māfuta fakatahi ma tona Ataliki ko Iehu Keliho, to tātou Aliki.

2 Kolinito 1:10

Na ia fakahaoa ki māua mai te fakamātakutaku kino o te oti; ma ka ia fakahaoa ki māua; ma kua tuku tahi to mā fakamoemoe ki a te ia, ka ia toe fakahaoa ki māua.

1 Tehalonia 5:24

Ko tē e ia kalagagia koutou e fakamāoni, ma ka ia faia te mea tēnei.

2 Tehalonia 3:3

Kae ko te Aliki e fakamāoni, ma ka ia fōki atua ki a te koutou te loto mākeke, ma puipuia koutou mai te kino.

2 Timoteo 4:18

Ma ka laveakia au e te Aliki mai nā faiga kino uma, ma ia kavea au ma te haogalēmū ki tona Mālō i te lagi. Ke ia te ia te vīkiga ke pa lava ki te fakavavau! Amene.

Epelu 10:23

Tātou tāofi mau ki te fakamoemoe kua folafola e ki tātou, auā e ki tātou mautinoa ko te Atua e tauhi ki tana folafolaga.

Epelu 11:11

Ko te fakatuatua te na kavea ai ia Apelaamo ma tamana e ui lava kua matua, ma ko Hala foki tana āvaga nae hē manava ola. Ko Apelaamo nae talitonu ko te Atua e tauhi ki tana folafolaga.

Epelu 12:4

I nā taumafaiga a koutou ke teteke atu ki te agahala, ko hēki pa lele koutou ki te tūlaga e vē kua lamatia ai outou ola.

Epelu 6:18

Ko nā mea la iēnei e lua, e hē mafai ke toe huia ma e hē mafai te Atua ke pepelo e uiga ki ei. Ko ki tātou la iē kua maua te haogalēmū i te Atua, ka ātili mautū ai to tātou pipiki ki te fakamoemoe kua ia kaumaia ki a te ki tātou.

1 Petelu 4:19

Ko te mea ia, ko nā tino e puapuagā ona ko te mea ia kua finagalo ki ei te Atua, ka ki lātou faia te mea e hako ma tuku kātoatoa atu ki lātou ki te pule a tē na faia ia mea uma, ma e tauhi pea lava ki ana folafolaga.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

1 Ioane 1:9

Kae kāfai e takutaku atu a mātou agahala i mua o te Atua, ka fakamāoni pea ia ma ia faia te mea e hako: ka fakamāgalo e ia a mātou agahala ma fakamamā ki mātou mai o mātou hehē uma.

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.