1 Kolinito 1:27 - Tokelauan New Testament

²⁷ Na filifili lava e te Atua te mea e talitonu te lalolagi e valea, kae ke takuvalea ai nā tino popoto, ma na filifili e ia te mea e talitonu te lalolagi e vāivai, kae ke takuvalea ai nā tino e i ni tūlaga mālolohi.

1 Kolinito 1:27 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 21:16

Oi lea vē atu ai ki lātou ki a Iehu, “E kē lagona atu nā mea e lea ai nā tino?” Kua tali mai ia Iehu, “E kō lagona. Kae e hēki faitau lele nei koutou ki te tuhituhiga paia e vē mai? ‘Kua kē faia nā vīkiga e kātoatoa te lelei, e ala i nā gutu o tamaiti ma pepe.’ ”

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Luka 21:15

auā ka fōki atu e au ki a te koutou nā kupu o te poto; ma ka hē mafai ai e nā fili o koutou oi tali ki ei, pe ki lātou taku hehēa nā mea e lea ai koutou.

Gāluega 17:18

Nae i kinā ni tino o te talitonuga faka-Epikuleionu ma ni tino o te talitonuga o Hitōikō. Kua fehili vē iētahi o ki lātou, “E vēhea ake ko te mea e lea ai te tagata fiapoto tēnā?” Kua tali mai iētahi tino, “E vē lava e tautala fakatatau ki ni atua kehe.” Na lea vēnā ki lātou, ona ko Paulo nae folafola e ia e uiga ki a Iehu ma te toetū.

Gāluega 7:35

“Ko Mohe te na teteke ki ei ona tagata Ihalaelu. Na lea vē ki lātou ki ei, ‘Na hei tofia koe ke fai ma pule ma fai ma fakamahino mo ki māua?’ Ko ia te na uga e te Atua ke pule ki ona tagata, ma fakahaoloto ki lātou i te fehoahoani a te agelu na fakaali ki ei i loto o te lākau mumū.

Gāluega 7:54

Ka koi fakalogologo te Taupulega ki a Hetefano, ka kua kāmata oi feita lahi ma katigū o lātou nifo i o lātou fēkakai.

1 Kolinito 1:20

Ko te mea ia, he ā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 2:12

E hē ko te agaga o te lalolagi te kua ki mātou maua; kae ko te Agaga na uga mai e te Atua, kae ke mālamalama ai ki mātou i nā mea uma kua fōki mai e te Atua mo ki tātou.

2 Kolinito 10:10

Auā ko iētahi o koutou e lea vē, “Te loloto ma te mālolohi o nā tuhi a Paulo, kae kāfai e i kinei ma ki tātou, te vāivai ma te hēai o he uiga o ana kupu!”

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.