1 Kolinito 1:26 - Tokelauan New Testament

²⁶ Ko te mea ia oku uho, māfaufau pe nae ni tino vēhea koutou i te taimi na kalaga atu ai te Atua ki a te koutou. I te kikila fakatetagata, e hē tokalahi koutou nae popoto, e hē tokalahi nae i ni tūlaga maualuluga, ma nae hē tokalahi na tupuga mai i ni kāiga aliki.

1 Kolinito 1:26 ပူးပေါင်းရင်းမြစ်များ

Luka 1:3

Kua manatu ai foki la au, ona kua uma te kō hukehukeagia lelei o nā mea uma iēnei mai te kāmataga, ke kō tuhituhia fakalelei ki lalo nā mea iēnei mo tau afioga,

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Gāluega 13:12

Kua kitea e te Kōvana te mea kua tupu, oi talitonu ai; auā na ofo lahi lele i nā akoakoga e uiga ki te Aliki.

Gāluega 13:7

Nae he uō e a Hekio Paulo, te Kōvana o te motu. Ko Hekio he tino poto ma na fekau e ia ia Panapa ma Haulo ke ōake, ona nae fia fakalogo ki te kupu a te Atua.

Gāluega 17:34

E i ei nā taulelea na talitonu ma na mulimuli ai i te kau a Paulo, ma ko tētahi o ki lātou iēnei ko Tionihio, he tino e o te taupulega; nae i ei foki he fafine e igoa ki a Tamali, ma iētahi tino.

Loma 11:29

Auā ko nā meaalofa ma te kalaga a te Atua, e hē toe fakafokiagia.

1 Kolinito 1:20

Ko te mea ia, he ā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.

1 Kolinito 2:13

Ko te mea ia, ko ki mātou e hē tautatala i ni kupu na akoako e te poto fakatetagata, kae tautatala i nā kupu na akoako e te Agaga, i nā taimi e fakamālamalama ai e ki mātou nā meamoni fakateagaga, ki nā tino kua ia te ki lātou te Agaga.

1 Kolinito 2:8

E hēai he tupu o tēnei lalolagi na iloagia te poto tēnei. Ka na he mea na ki lātou iloa, e vēnei ake e hēki ki lātou fakahātauloa te Aliki mamalu.

Filipi 4:22

E fakafeiloaki atu foki nā tino uma o te Atua i kinei, kae maihe lava ki lātou e i te fale o Kaihala.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

2 Ioane 1:1

Mai te Toeaina — Ki te Fafine pele ma tana fānau, e alofa lahi au ki ei. Ma e hē nā ko au oioti, kae ko ki lātou uma e iloa te meamoni, e alolofa atu ki a te koutou,