1 Kolinito 1:21 - Tokelauan New Testament

²¹ Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 1:21 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

Loma 11:33

Kai te lahi lele o te tamaokāiga o te Atua! Kai te loloto lele o tona poto ma tona mālamalama! Ko ai nei te ia mafaia oi fakamālamalama ana tonu? Ko ai nei te mālamalama i ona ala?

1 Kolinito 1:18

Auā ko te fekau e uiga ki te mate o Keliho i luga o te hātaulo, e hēai hona uiga ki a te ki lātou e tuku e fakaumatia; kae mo ki tātou e tuku e fakaolagia; ko te mana tēnā o te Atua.

1 Kolinito 1:23

Kae ko ki mātou, e ki mātou tālakia ko Keliho na fakahātaulo. He fekau tēnei e feita ki ei ia tagata Iutaia ma lea ia tagata nukukehe e valea;

1 Kolinito 1:24

kae mo ki lātou kua kalagagia e te Atua, nā tino Iutaia fakatahi ma nā tino nukukehe, ko te fekau tēnei ko Keliho. Ko ia ko te mana o te Atua ma te poto o te Atua

1 Kolinito 1:25

Auā ko te mea e fōliga ko te valea o te Atua, ko te poto tēnā e hili lele atu i lo te poto o te tagata, ko te mea foki e fōliga ko te vāivai o te Atua, ko te mālohi tēnā e hili lele atu i lo te mālohi o te tagata.

1 Kolinito 1:27

Na filifili lava e te Atua te mea e talitonu te lalolagi e valea, kae ke takuvalea ai nā tino popoto, ma na filifili e ia te mea e talitonu te lalolagi e vāivai, kae ke takuvalea ai nā tino e i ni tūlaga mālolohi.

1 Kolinito 11:32

Kae ko ki tātou e fakamahino ma fakahala e te Aliki, kae ke nahe fakahalagia fakatahi ai ki tātou ma te lalolagi.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

1 Kolinito 4:10

Ona ko Keliho, e kavea ai ki mātou ma tagata vālelea; kae ko koutou e popoto i te māfutaga ma Keliho! Ko ki mātou e vāivai, kae ko koutou e mālolohi! Ko ki mātou e inohia, kae ko koutou e fakaaloalogia e tagata!

1 Kolinito 6:2

E hē koutou iloa ko tagata o te Atua te ki lātou fakamahinoagia te lalolagi? Kāfai la ka fakamahino e koutou te lalolagi, e hē mafai nei la e koutou oi fakamahino nā tamā mea?

Kalatia 1:15

Kae i te alofa tūnoa o te Atua na ia filifilia ai au ka ko hēki fānau mai au, ma kalagagia ke kaukauna atu ki a te ia. Ma i te tonuga i te ia ke

Kalatia 4:8

I nā aho kua teka, nae hē koutou iloa te Atua, ma nae fai koutou ma pologa a ni atua e hē ni atua moni.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Kolohe 1:19

Auā e a te Atua lava te fuafuaga ke i te Ataliki lava ia te natula kātoatoa o ia.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.

Iakopo 5:20

ke koutou manatua te mea tēnei: ko ai lava e ia toe kaumaia he tino agahala mai te auala hehē, ka fakahao e ia te agaga o te tino tēnā mai te oti ma ka fai tēnā ma auala e fakamāgalo ai ia agahala e lahi.