1 Kolinito 1:2 - Tokelauan New Testament

² Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

1 Kolinito 1:2 ပူးပေါင်းရင်းမြစ်များ

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Gāluega 15:9

E hēki fakakehekehea e ia ki tātou ma ki lātou; na fakamāgalo e ia a lātou agahala ona kua talitonu.

Gāluega 18:1

Kua teka atu nā mea iēnā, oi fano ai ia Paulo mai Atenai ki Kolinito.

Gāluega 22:16

He ā la te koi fakatali ai koe? Tū loa ki luga ma papatihogia ma tatalo ki te Aliki ke fakamamā koe mai au agahala.’

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Gāluega 9:14

Ma kua hau ki Tamaheko ma te pule mai nā ohitāulaga hili, ke puke fakapagotā ai ki lātou uma e tāpuaki atu ki a te koe.”

Gāluega 9:21

Ko nā tino uma na ki lātou lagona ia Haulo, na ōfo lele ma fakatau fehili vē, “E hē ko te tagata tēnei te nae ia tāmatea nā tino nae tāpuaki ki te tino e igoa ko Iehu i Ieluhalema? E hē ko te māfuaaga ia na hau ai ki kinei, ke puke fakapagotā nā tino iēnei ma kave ki te kau ohitāulaga hili?”

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Loma 10:12

Ko te mea tēnei e aofia ai ia tagata uma, auā e hēai he mea e kehekehe ai ia tagata Iutaia ma tagata nukukehe; ko te Atua ko te Aliki ia e tahi o tagata uma, ma e ia kavatua nā fakamanuiaga e lahi mo ki lātou uma e kālalaga atu ki a te ia.

Loma 3:22

E fakalelei e te Atua te va o tagata ma ia e ala i te fakatuatua ki a Iehu Keliho. Ko te mea tēnei e fai e te Atua ki nā tino uma e talitonu ki a Keliho, auā ko tagata uma lele e tutuha.

Loma 8:28

E iloa e ki tātou, i mea uma lele, ko te Atua e galue mo te lelei fakatahi ma ki lātou e alolofa ki a te ia, ki lātou kua kalagagia e ia e tuha ma te mea e fofou ia ki ei.

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

1 Kolinito 12:27

Ko koutou uma ko te tino o Keliho, ma ko koutou tau tokatahi ni itūtino e o ia.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

Kalatia 1:2

E fakafeiloaki atu te kau uho Kelihiano uma i kinei fakatahi ma au, ki a te koutou nā Ekalehia i Kalatia:

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

1 Tehalonia 1:1

Mai ia Paulo, Hila ma Timoteo — Ki nā tino o te Ekalehia i Tehalonika, iē kua kavea ma tagata o te Atua te Tamana, ma te Aliki ko Iehu Keliho: Ke ia te koutou te alofa tūnoa ma te fīlēmū.

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

2 Tehalonia 1:1

Mai ia Paulo, Hila, ma Timoteo — Ki nā tino o te Ekalehia i Tehalonika kua kavea ma tagata o te Atua to tātou Tamana, ma te Aliki ko Iehu Keliho:

1 Timoteo 2:8

Ko au la e fofou ko tamāloloa ke tatalo i autou tāpuakiga uma lele, nā tamāloa kua ofo atu o lātou tagata mo te Atua ma e mafai ke hiki ake o lātou lima ki luga i te tatalo, e aunoa ma he loto ita pe tauaikupu ma iētahi tino.

1 Timoteo 3:15

nā ia au e tuai atu. Ko te tuhi tēnei e fakailoa atu ai ki a te koe, nā mea e tatau ke havavali ai ki tātou i loto o te kāiga o te Atua, ko te Ekalehia tēnā a te Atua e ola pea lava, ma ko te poutū ma te lagolago o te meamoni.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

Epelu 13:12

Ko Iehu foki na oti i fafo o te kakai, kae ke fakamamā ai ia agahala a tagata i tona toto.

Epelu 2:11

E fakamamā e ia ia tagata mai a lātou agahala, ma ko ia fakatahi ma ki lātou uma e fakamamāgia, e fokotahi lava to lātou Tamana. Ko te mea ia e hē mā ai ia Iehu oi takua ki lātou ni tino e o tona kaukāiga.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Fakaaliga 19:16

E tūhia i luga o te vāega o tona kofu tatao i luga o tona ālaga te igoa iēnei, “Ko te Tupu o tupu ma te Aliki o aliki.”