1 Kolinito 1:17 - Tokelauan New Testament

¹⁷ E hēki uga maia au e Keliho ke papatiho. Na uga mai au e ia ke folafola te Tala Lelei, ma ke folafola e aunoa ma te fakaaogāgia o te gagana a te poto fakatetagata, kae ke mautinoa ai ko te mate o Keliho i luga o te hātaulo, e hē mafai ke uma tona mālohi.

1 Kolinito 1:17 ပူးပေါင်းရင်းမြစ်များ

Ioane 4:1

Kua lagona e te kau Falehaio kua tokalahi atu nā tino e mulimuli ki a Iehu ma ia papatihoa, i lo Ioane. (

Ioane 4:2

Ko te meamoni lava, e hēki papatihoa e Iehu he tino; ko nā hoko o ia te na ki lātou papatihoa.)

Gāluega 10:48

Oi na fakatonu loa e ia ke papatiho ia Konelio, tona kāiga ma ana uō, i te igoa o Iehu Keliho. Oi lea ai ki lātou ki a Petelu ke toe nofo mo ni nai aho.

1 Kolinito 2:1

Oku uho, i toku fanatuga ki a te koutou ke folafola atu te meamoni lilo a te Atua, e hēki kō fakaaogāgia ni kupu loloa pe he mālamalama lahi.

1 Kolinito 2:13

Ko te mea ia, ko ki mātou e hē tautatala i ni kupu na akoako e te poto fakatetagata, kae tautatala i nā kupu na akoako e te Agaga, i nā taimi e fakamālamalama ai e ki mātou nā meamoni fakateagaga, ki nā tino kua ia te ki lātou te Agaga.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 10:10

Auā ko iētahi o koutou e lea vē, “Te loloto ma te mālolohi o nā tuhi a Paulo, kae kāfai e i kinei ma ki tātou, te vāivai ma te hēai o he uiga o ana kupu!”

2 Kolinito 11:6

E ui lava ko taku tautala e hē matuā lelei e vē ko ki lātou, kae e hē vēake ai ka hili atu to lātou popoto i lo au; kua uma lava te ki mātou fakamālamalama lelei atua o nā mea uma lele ki a te koutou.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Petelu 1:16

Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.