1 Kolinito 1:10 - Tokelauan New Testament

¹⁰ I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

1 Kolinito 1:10 ပူးပေါင်းရင်းမြစ်များ

Mataio 9:16

“E hēai he tino e fono e ia he peleue tuai i he meakie fou, auā kāfai e mimigi te meakie fou, oi ka ātili ai te lahi o te gahae i te peleue.

Maleko 2:21

“E hēai he tino e fakaaogā e ia he meakie fou ke fono ai he peleue tuai, auā ka mimigi te mea kie fou ma hahae kehe ai ni meakie tuai, ma ātili ai te lahi o te gahae.

Maleko 3:24

Kāfai he mālō e fevaevaeaki ma tauai miha lava ki lātou, ko te mālō tēnā ka mālepelepe.

Ioane 10:19

Ma na toe i ei ai foki he fekehekeheakiga i nā tino Iutaia, ona ko nā kupu iēnei.

Ioane 17:23

ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.

Ioane 7:43

Ko te mea ia na fekehekeheaki ai te kaifenua, ona ko Iehu.

Ioane 9:16

Ko iētahi o te kau Falehaio kua lea vē, “Ko te tino na ia faia te mea tēnei e hē he tino e hau mai te Atua, auā kua hē uhitaki ki te tūlāfono e uiga ki te Hāpati.” Ka ko iētahi kua lea vē, “E vēhea ona mafai e he tino agahala oi fai ni fakailoga vēnei?” Oi na i ei ai he fekehekeheakiga ia te ki lātou.

Gāluega 4:32

Kua gātahitahi ia loto ma māfaufau o te vāega kua talitonu ki a Iehu. E hēai lele he tino o ki lātou na lea ko ana meatōtino e a ia lava, kae na ki lātou fakaaogā fakatahi nā mea uma lele a ki lātou tau tokatahi.

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

Loma 15:30

Ko au la e fakatagi atu ki a te koutou, oku uho, e ala i te Aliki ko Iehu Keliho ma te alofa e hau mai te Agaga: ke kau fakatahi ki tātou ma tatalo fakatauanau ki te Atua, mo au.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

1 Kolinito 1:11

Auā e i ei nā tino o te kāiga o Koloe, kua ki lātou taku hako maia ki a te au, ko koutou oku uho, e tauaimiha.

1 Kolinito 11:18

Ko te mea muamua, kua fakalogo au kāfai e fai autou māfutaga ko koutou e fevaevaeaki; ma ko au e talitonu e hako he vāega o nā mea iēnei kua fakalogo au ki ei.

1 Kolinito 12:25

E hē tatau la ke i ei he fevaevaeakiga i te tino, kae ko nā itūtino kehekehe uma o ia, e tatau ke tutuha te loto tuahā o tētahi ki tētahi.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

1 Kolinito 4:16

Ko au la e fautua mālohi atu ki a te koutou, ko koutou ke mulimuli ki aku fakatakitakiga.

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

2 Kolinito 13:9

Ko ki mātou e fiafia kāfai ki mātou e vāivai kae mālolohi koutou. Ma ko ki mātou foki la e tatalo ke hili atu te tūlaga ka i ei ai koutou.

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 4:12

Te kau uho, ko au e aioi atu ki a te koutou, ko koutou ke vē ko au, auā ko au foki kua kavea e vē lava ko koutou. E hēai he koutou hehē ki a te au.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 3:16

Oioti lava te mea, tātou pipiki mau pea ki nā tūlāfono nae mulimuli ki tātou ki ei mai te kāmataga, ke pa mai ki te taimi nei.

1 Tehalonia 5:13

Koutou ke fakaaloalo lahi ma alolofa ki a te ki lātou, ona ko nā gāluega a ki lātou e fai. Ke maua fakatahi e koutou te fīlēmū.

2 Tehalonia 2:1

E vē la ki te haele mai o to tātou Aliki ko Iehu Keliho ma te fakamāopoopoga o ki tātou ke fakatahi ma ia: ko au e fakatagi atu ki a te koutou te kau uho,

1 Timoteo 5:21

I mua o te Atua ma Keliho Iehu, vēnā ma te kau agelu paia, ko au e apoapoaki mālohi atu ko koe ke uhitaki ki nā fakatonuga iēnei, e aunoa ma he fakailoga tino, pe fakapito ki he tino, i nā mea uma e fai e koe.

2 Timoteo 4:1

I mua o te Atua ma i mua o Keliho Iehu, tē ka haele mai ko ia ko te Tupu ma ka ia fakamahinoagia nā tino ola ma nā tino oti, ko au e aioi atu ki a te koe

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.