1 Ioane 5:18 - Tokelauan New Testament

¹⁸ E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

1 Ioane 5:18 ပူးပေါင်းရင်းမြစ်များ

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Ioane 1:13

E hēki kavea ki lātou ma fānau a te Atua, e vē ko te tūlaga māhani fakatetagata, e fānanau mai ni fānau e a he tamana; kae ko te Atua lava ia, ko to lātou Tamana.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 15:4

Ke tūmau te tahi o koutou ia te au, e vē ona tūmau te tahi o au ia te koutou. E hē mafai e he lālā ona fua mai ni ona fua ia te ia lava; e mafai oioti kāfai e tūmau i te vine. E vēnā foki ona hē mafai ke fua mai ni fua ia te koutou, vaganā koutou e tūmau ia te au.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Ioane 15:9

Ko au e alofa ki a te koutou e vē ona alofa mai te Tamana ki a te au; koutou la ke tūmau i toku alofa.

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

1 Ioane 2:29

E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.

1 Ioane 3:12

Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

1 Ioane 3:3

Ko nā tino uma e i ei to lātou fakamoemoe ia Keliho, ka fakamamā pea lava ki lātou e ki lātou, e vē foki lava ko Keliho e mamā.

1 Ioane 3:9

Ko nā fānau a te Atua e hē ki lātou faia pea lava te agahala, auā ko te natula o te Atua ei loto ia te ki lātou; ma e ona ko te Atua ko to lātou Tamana, e hē mafai ai ki lātou ke agahala pea lava.

1 Ioane 4:6

Kae ko ki tātou e o te Atua. Ko nā tino e ki lātou iloa te Atua e fakalogo mai ki a te ki tātou; ko nā tino e hē o te Atua e hē fakalogo mai ki a te ki tātou. Ko te mea la tēnei e ki tātou iloa ai te kehekehega i te va o te Agaga o te meamoni ma te agaga o te meahehē.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

1 Ioane 5:15

E ia lagona mai ki tātou i ho he taimi e gogō atu ai ki tātou ki a te ia. E iloa e ki tātou ko te mea tēnei e hako, ma ko ho he mea lava e gogō atu ai ki tātou ki a te ia, e fōki mai e ia.

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

1 Ioane 5:21

Taku fānau, koutou ke tau mamao ma nā atua pepelo!

1 Ioane 5:4

auā ho he fānau a te Atua e mafai e ia oi fakatōkilalo te lalolagi. Ma ko te manumālō e fakatōkilalo ai te lalolagi e maua e ki tātou e ala i to tātou fakatuatua.

Iuta 1:21

ke tūmau koutou i loto o te alofa o te Atua, ka koi fakatalitali koutou ki te ola fakavavau e fōki atu e to tātou Aliki ko Iehu Keliho, e ala i tona alofa fakahao.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —

Fakaaliga 2:13

E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.