1 Ioane 5:13 - Tokelauan New Testament

¹³ Ko au e tuhi atu vēnei ki a te koutou kae ke koutou iloa kua maua e koutou te ola e hē gata — koutou iēnā kua talitonu ki te Ataliki o te Atua

1 Ioane 5:13 ပူးပေါင်းရင်းမြစ်များ

Ioane 1:12

Kae ko ki lātou uma na taliagia ia ma talitonu ki ei; na ia tuku atua ki ei te haolotoga, ke kavea ai ki lātou ma fānau a te Atua.

Ioane 2:23

Ka koi i Ieluhalema ia Iehu i te taimi o te Kaiga Fakamanatu o te Pāheka, e tokalahi nā tino na talitonu ki a te ia, ona kua ki lātou kiteagia nā fakailoga nae ia faia.

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 21:24

Ko te hoko tēnei na molimau ki nā mea iēnei, ma ko ia te na ia tuhituhiagia ki lalo; ma e iloa e ki tātou ko tana takutinoga e hako.

Ioane 3:18

Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu ki lātou ki te Ataliki e tokatahi o te Atua.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Gāluega 3:16

Ko te mana o Iehu te na mālohi ai te pipili. Ko te mea kua kikila koutou ki ei ma iloa e koutou, na fai e ala i te fakatuatua ki tona igoa; ko to mā fakatuatua ki a Iehu, te na mafai ai ke fakamālōlō te pipili i mua o koutou uma.

Gāluega 4:12

Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

2 Kolinito 5:1

Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

1 Ioane 1:4

Ko ki mātou e tuhi atu kae ke kātoatoa ai to mātou fiafia.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 2:21

Ko au la e tuhi atu ki a te koutou, e hē ona e hē koutou iloa te meamoni; kae ona e koutou iloa, ma e iloa foki e koutou e hēai lele he tala pepelo e mafai ke hau i te meamoni.

1 Ioane 2:25

Ma ko tēnei te mea na folafola mai e Keliho lava ia mo ki tātou — ko te ola e hē gata.

1 Ioane 2:26

Ko au e tuhi atu vēnei ki a te koutou e uiga ki nā tino e taumafai ke fakahehē koutou.

1 Ioane 3:23

Ko te Atua e fofou ko ki tātou ke talitonu ki tona Ataliki ko Iehu Keliho, ma ke alofa tētahi ki tētahi. Ko tēnei foki lava te mea na fakatonu mai e Keliho ke fai e ki tātou.

1 Ioane 4:9

Ma kua fakaalia te alofa o te Atua ki a te ki tātou i te kua uga mai e ia o tona Ataliki e fokotahi ki te lalolagi, kae ke maua ai e ki tātou te ola e ala ia te ia.

1 Ioane 5:10

Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.

1 Ioane 5:11

Ko tēnei te molimau: Kua fōki mai e te Atua ki a te ki tātou te ola e hē gata, ma ko te ola tēnei e maua e ala i tona Ataliki.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.