1 Ioane 5:10 - Tokelauan New Testament

¹⁰ Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.

1 Ioane 5:10 ပူးပေါင်းရင်းမြစ်များ

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:18

Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu ki lātou ki te Ataliki e tokatahi o te Atua.

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Ioane 5:38

ma e hē teua i outou loto tana kupu, auā ko koutou e hē talitonu ki tē na ia uga maia.

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

Kalatia 4:1

Ko te uiga o te mea e lea atu ai au — ko te tamaiti e tuku e ia mauagia nā meatōtino a tona tamana, e hē kehe lele ia ma he pologa ka koi tamaiti ai, e ui lava ko nā mea uma lele e a ia.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Kolohe 3:3

Auā ko koutou kua oti, ma ko te ola fou o koutou ko hēki fakaaliagia e vē foki lava ko Keliho, i te hokotaga ma te Atua.

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

2 Petelu 1:19

Oi kua ātili ai la to mātou mautinoa e tuha ai ki te fekau na fakailoa mai e te kau pelofeta. E hili la te koutou talitonu ki ei, auā e vē ko he lāmepa e mumū i he mea pōuli ke pa ki te tafa o ata o te Aho, ma huhulu atu ai te fetu o te taeao ki outou loto.

1 Ioane 1:10

Kāfai ki mātou ka lea ko ki mātou e hēki agahala, ka taku pepelogia e ki mātou te Atua, ma ko tana kupu e hē i loto ia te ki mātou.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

Fakaaliga 12:17

Kua fekai lahi lele te tālako ki te fafine, ma na fano ai kua fakahaga tau ki nā lāpuna uma o te fafine, ki lātou uma kua uhitaki ki nā fakatonuga a te Atua ma tūmau i te meamoni na fakailoa mai e Iehu.

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.