1 Ioane 4:9 - Tokelauan New Testament

⁹ Ma kua fakaalia te alofa o te Atua ki a te ki tātou i te kua uga mai e ia o tona Ataliki e fokotahi ki te lalolagi, kae ke maua ai e ki tātou te ola e ala ia te ia.

1 Ioane 4:9 ပူးပေါင်းရင်းမြစ်များ

Maleko 12:6

Ko toe tahi lava te tino koi totoe e mafai ke uga, ko tona ataliki fakapelepele. Mulimuli ake, oi uga ai e ia tona ataliki ki nā nofolihi. Kua vē ake tana kupu, ‘E talitonu au ka amanakia e ki lātou toku ataliki.’

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Ioane 10:10

Ko te tino kaihohoa e hau oioti ke kaihohoa, ke tāmate ma ke fakatāugā. Ko au na hau kae ke maua ai e ki lātou te ola — te ola e kātoatoa i mea uma.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:18

Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu ki lātou ki te Ataliki e tokatahi o te Atua.

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 6:29

Kua tali mai ia Iehu, “Ko te mea e fofou ki ei te Atua, ko koutou ke talitonu ki tē na ia uga maia.”

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Ioane 6:57

Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au.

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Ioane 9:3

Kua tali mai ia Iehu, “E hē ona ni agahala e ā ia pe ā ona mātua. E tāuaho kae ke mafai ai ia gāluega mamana a te Atua ke fakaalia, e ala ia te ia.

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

Epelu 1:5

Auā ko te Atua e hēki lea lele vēnei ki hētahi o ana agelu, “Ko koe ko toku Ataliki i te aho nei ko au kua kavea ma o Tamana.” E hēki lea foki te Atua vēnei e uiga ki hana agelu, “Ko au ka kavea ma ona Tamana ma ka kavea ia ma oku Ataliki.”

1 Ioane 3:16

Ko tēnei te mea e iloa ai e ki tātou te mea e takua ko te alofa: Ko Keliho na fōki tona ola mo ki tātou. Ko ki tātou foki la, e tatau ke fōki o tātou ola mo iētahi uho Kelihiano!

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

1 Ioane 4:16

Ma kua iloa lelei lava e ki tātou ma kua talitonu ki tātou, ki te alofa o te Atua mo ki tātou. Ko te Atua ko te alofa, ma ko nā tino e alolofa, e ola ki lātou i te māfutaga ma te Atua, ma ko te Atua e ola i te māfutaga ma ki lātou.

1 Ioane 5:11

Ko tēnei te molimau: Kua fōki mai e te Atua ki a te ki tātou te ola e hē gata, ma ko te ola tēnei e maua e ala i tona Ataliki.

1 Ioane 5:13

Ko au e tuhi atu vēnei ki a te koutou kae ke koutou iloa kua maua e koutou te ola e hē gata — koutou iēnā kua talitonu ki te Ataliki o te Atua