1 Ioane 4:18 - Tokelauan New Testament

¹⁸ Ko te alofa e hē mataku; ko te alofa kua kātoatoa e ia tuli kehea te mataku. Ho he tino la e mataku, e hē ia te ia te alofa e kātoatoa, auā ko te mataku ko he mea e tau ki te fakahalaga.

1 Ioane 4:18 ပူးပေါင်းရင်းမြစ်များ

Mataio 9:34

Kae kua lea vē te kau Falehaio, “Ko te takitaki o tēmoni te ia fōkia ki a Iehu te pule ke tuli ai ki fafo nā tēmoni.”

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

2 Timoteo 1:7

Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

1 Ioane 4:12

E hēai he tino na kua ia kitea te Atua, kae kāfai ki tātou e alofa tētahi ki tētahi, ko te Atua e ola i te māfutaga ma ki tātou, ma ko tona alofa kua kātoatoa te lelei i loto o ki tātou.