1 Ioane 4:16 - Tokelauan New Testament

¹⁶ Ma kua iloa lelei lava e ki tātou ma kua talitonu ki tātou, ki te alofa o te Atua mo ki tātou. Ko te Atua ko te alofa, ma ko nā tino e alolofa, e ola ki lātou i te māfutaga ma te Atua, ma ko te Atua e ola i te māfutaga ma ki lātou.

1 Ioane 4:16 ပူးပေါင်းရင်းမြစ်များ

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

Ioane 9:3

Kua tali mai ia Iehu, “E hē ona ni agahala e ā ia pe ā ona mātua. E tāuaho kae ke mafai ai ia gāluega mamana a te Atua ke fakaalia, e ala ia te ia.

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

1 Ioane 3:16

Ko tēnei te mea e iloa ai e ki tātou te mea e takua ko te alofa: Ko Keliho na fōki tona ola mo ki tātou. Ko ki tātou foki la, e tatau ke fōki o tātou ola mo iētahi uho Kelihiano!

1 Ioane 3:24

Ko nā tino e uhitaki ki nā mea kua fakatonu mai e te Atua, e tūmau te tahi o ki lātou i te māfutaga ma te Atua, ma ko te Atua e tūmau te tahi o ia i te māfutaga ma ki lātou. Ma e ona ko te Agaga kua fōki mai e te Atua ki a te ki tātou, kua iloa ai e ki tātou ko te Atua e tūmau te tahi o ia ma ki tātou, e ala i te Agaga kua ia fōki maia ki a ki tātou.

1 Ioane 4:7

Te kau uho pele, e tatau ki tātou ke alofa tētahi ki tētahi, auā ko te alofa ko he mea e hau mai te Atua. Ko nā tino e alolofa ni fānau ki lātou e a te Atua, ma e ki lātou iloa te Atua.