1 Ioane 4:1 - Tokelauan New Testament

¹ Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

1 Ioane 4:1 ပူးပေါင်းရင်းမြစ်များ

Maleko 13:21

“Kāfai la he tino e lea atu ki a te koutou, ‘Kikila, tēnei te Keliho’ pe lea vē, ‘Kikila, tēnā te Keliho!’ — koutou nahe talitonu ki ei.

Luka 12:57

“He ā te hē fuafua ai lava e koutou te mea e hako ma tatau ke koutou faia?

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Gāluega 17:11

Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.

Gāluega 20:29

Kua uma te kō iloa kāfai au e fano kehe, ka ōmamai nā luko fēkakai ki a te koutou, ma ka hē ki lātou fakahaoa te lafu māmoe.

1 Kolinito 12:10

E fōki e te Agaga ki tētahi tino te mana ke fai ai nā vāvega; ki tētahi te folafolaga o te fekau a te Atua; ma ki tētahi te mālamalama e ia iloa ai te kehekehega o nā meaalofa e kaumai e te Agaga, ma nā meaalofa e hē mai ia te ia. Ki tētahi tino e fōki ki ei te poto ke tautala ai i nā gagana kehekehe, ma ki tētahi, e fōki ki ei te poto ke fakamatala ai nā mea e tautatala ai.

1 Kolinito 14:29

E tatau ke tautatala he toka lua pe he toka tolu kua fōki ki ei te fekau a te Atua, kae fuafua tatau e iētahi tino nā mea e lea ai ki lātou.

1 Tehalonia 5:20

nahe koutou inoino ki nā fekau mai te Atua e kui mai i nā tino kua ia tōfia.

1 Tehalonia 5:21

Tuku ia mea uma ki te tofotofoga: tāofi nā mea e lelei,

2 Tehalonia 2:2

ke nahe faigōfie oi fakahētonu outou māfaufau pe fakatekigia foki, ona ko he fakamatalaga ko te Aho o te Aliki kua pa mai. Ātonu pe i ei he manatu ko ki mātou na lea atu i te mea tēnei e ala i nā vāloaga pe ko nā tālakiga, pe i he tuhi.

1 Timoteo 4:1

E manino lele te lea mai a te Agaga, e i ei nā tino ka olo kehe mai to lātou talitonuga faka-Kelihiano, i ni taimi mulimuli; ka uhitaki ki lātou ki nā agaga talapepelo, ma mulimuli ki akoakoga a nā tēmoni.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

2 Petelu 2:1

Nae i ei foki nā pelofeta pepelo fakatahi ma tagata o te Atua i nā aho kua teka, ma ka vēnā foki ona i ei nā faiakoga pepelo fakatahi ma koutou. Ka ki lātou kaumaia ni fakamatalaga tau fakakino ma te pepelo, ma hē ki lātou taliagia te Matai na ia totōgia to lātou haolotoga, ma ka fakaumatia vave ai lava ki lātou.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 2:7

Te kau uho pele, ko te fakatonuga e tuhi atu ai au ki a te koutou e hē ko he fakatonuga fou; ko te fakatonuga lava tēnei e fokotahi na fōki atu ki a te koutou i te kāmataga. Ko te fakatonuga tuai ko te fekau ia kua uma te fakalogo o koutou ki ei.

2 Ioane 1:7

Kua tokalahi ia tagata fakahehē kua olo ki itū uma o te lalolagi, ni tino e hē talitonu ko Iehu Keliho na hau ko he tagata ola. Ko nā tino vēnā e tau fakahehē ma e teteke ki a Keliho.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.

Fakaaliga 2:2

E iloa e au nā mea a koutou kua fai; e iloa e au ko koutou e gālulue mālohi ma te onohai. E iloa e au e hē koutou talia lele nā tino kino, ma e hukehuke e koutou nā tino e lea ko ki lātou ni apohitolo kae e hē ni apohitolo, ma kua maua e koutou o lātou talapepelo.