1 Ioane 3:9 - Tokelauan New Testament

⁹ Ko nā fānau a te Atua e hē ki lātou faia pea lava te agahala, auā ko te natula o te Atua ei loto ia te ki lātou; ma e ona ko te Atua ko to lātou Tamana, e hē mafai ai ki lātou ke agahala pea lava.

1 Ioane 3:9 ပူးပေါင်းရင်းမြစ်များ

Mataio 7:18

Ko te lākau e ola lelei e hē fua mai ai ni fua kino, ma ko te lākau e ola kino e hē fua mai ai ni fua lelei.

Ioane 1:13

E hēki kavea ki lātou ma fānau a te Atua, e vē ko te tūlaga māhani fakatetagata, e fānanau mai ni fānau e a he tamana; kae ko te Atua lava ia, ko to lātou Tamana.

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Gāluega 4:20

Auā e hē kimā mafaia oi hē tautatala e uiga ki nā mea kua kikila ma fakalogo ki māua ki ei.”

Loma 6:2

E hē tatau! Kāfai ki tātou kua hē i lalo o te pule a te agahala — e vēhea la ona haga fai pea e ki tātou te agahala?

Kalatia 5:17

Auā ko te mea e fofou ki ei to tātou natula fakatetagata, e teteke ki te mea e fofou ki ei te Agaga, ma ko nā mea e fofou ki ei te Agaga, e teteke ki ei to tātou natula fakatetagata. Ko nā mea iēnei e lua e fetekeaki tētahi ki tētahi, ma ko tona uiga e hē koutou mafaia oi fai he mea e fofou koutou ki ei.

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

1 Ioane 2:29

E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.

1 Ioane 3:6

Ma e hēai la he tino e ola i te māfutaga ma Keliho kae fai pea e ia te agahala; kae ko ai lava e ia faia pea lava te agahala, ko hēki ia kiteagia lele pe ia iloagia ia Keliho.

1 Ioane 4:7

Te kau uho pele, e tatau ki tātou ke alofa tētahi ki tētahi, auā ko te alofa ko he mea e hau mai te Atua. Ko nā tino e alolofa ni fānau ki lātou e a te Atua, ma e ki lātou iloa te Atua.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

1 Ioane 5:4

auā ho he fānau a te Atua e mafai e ia oi fakatōkilalo te lalolagi. Ma ko te manumālō e fakatōkilalo ai te lalolagi e maua e ki tātou e ala i to tātou fakatuatua.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.