1 Ioane 3:6 - Tokelauan New Testament

⁶ Ma e hēai la he tino e ola i te māfutaga ma Keliho kae fai pea e ia te agahala; kae ko ai lava e ia faia pea lava te agahala, ko hēki ia kiteagia lele pe ia iloagia ia Keliho.

1 Ioane 3:6 ပူးပေါင်းရင်းမြစ်များ

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

1 Ioane 2:3

Kāfai ki tātou e uhitaki ki nā mea e fakatonu mai e te Atua, oi ka mautinoa ai e iloa e ki tātou te Atua.

1 Ioane 2:4

Ko te tino e lea e ia iloa te Atua, kae e hē uhitaki ki te mea e fakatonu mai e te Atua, ko te tino tēnā e talapepelo ma e hē i loto ia te ia te meamoni.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

1 Ioane 3:9

Ko nā fānau a te Atua e hē ki lātou faia pea lava te agahala, auā ko te natula o te Atua ei loto ia te ki lātou; ma e ona ko te Atua ko to lātou Tamana, e hē mafai ai ki lātou ke agahala pea lava.

1 Ioane 4:8

Ko nā tino e hē alolofa e hē ki lātou iloa te Atua, auā ko te Atua ko te alofa.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.