1 Ioane 3:5 - Tokelauan New Testament

⁵ E iloa e koutou ko Keliho na hau ke kave kehe nā agahala, ma e hēai lele hana agahala.

1 Ioane 3:5 ပူးပေါင်းရင်းမြစ်များ

Mataio 1:21

Ka fānau mai e ia he tama, ka fakaigoa e koe ki a Iehu, auā ka fakaola e ia ona tagata mai a lātou agahala.”

Luka 23:41

Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki i ei hana mea hehē na fai.”

Luka 23:47

Kua kitea atu e te takitakikau o te toka helau te mea kua tupu, oi viviki ake ai ki te Atua, ma lea vē, “E hako lava, ko te tino tēnei e hēai hana holitūlāfono!”

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 1:31

Nae hē kō iloa pe he tino vēhea, kae ko au na hau ke papatiho i te vai, kae ke fakailoa atu ai ia, ki tagata o Ihalaelu.”

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 8:46

E i ei nei he koutou tino e ia mafai oi fakamāonia kua kō faia he agahala? Kāfai au e tautala i te meamoni, he ā la te hē talitonu mai ai koutou ki a te au?

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

1 Timoteo 1:15

Ko he fakakupuga tēnei e hako, ma e tatau ke talia kātoatoa ma talitonu ki ei: Ko Keliho Iehu na haele mai ki te lalolagi ke fakaola nā tino agahala. Ma ko au te tino agahala e hili atu te kino,

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

1 Petelu 1:18

Auā e iloa e koutou te mea na totogi ai te haolotoga o koutou mai nā uiga e hēai he aogā, na iloa e koutou mai outou tupuna. E hē ko he mea e fano e pala e vē ko te hiliva pe ko te aulo;

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Ioane 1:2

I te fakailoa maiga o te ola tēnei, na kitea e ki mātou; ko ki mātou la e molimau ki te mea na kikila ki mātou ki ei, ma fakailoa atu ki a te koutou e uiga ki te ola e hē gata nae i ei ma te Tamana, ma na fakailoa mai ki a te ki mātou.

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

1 Ioane 2:29

E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,