1 Ioane 3:4 - Tokelauan New Testament

⁴ Ko ai lava he tino e agahala, kua hala ia ona kua ia holia te tūlāfono a te Atua, auā ko te agahala ko he holi tūlāfono tēnā.

1 Ioane 3:4 ပူးပေါင်းရင်းမြစ်များ

Mataio 5:19

Ko te mea ia, ko ai lava e hē uhitaki, e tuha lava pe ko te fakatonuga ia e pito hili ona taigole tona tāua, ma akoako e ia iētahi tino ke fakatakitaki ake ki a te ia, ka kavea ia ma tino e hili atu te hē tāua i te Mālō o te lagi. Kae ko ai lava e uhitaki ma akoako e ia iētahi tino ke fakatakitaki ake ki a te ia, ka kavea ia ma tino e tāua lahi i te Mālō o te lagi.

Gāluega 23:3

Oi lea vē atu ai ia Paulo ki a Anania, “Ka mautinoa lava te taia o koe e te Atua — ia koe tēnā e vē he puipui kua vali ke fakapaepae! E nofo mai koe i kinā ke fakamahino mai au e tuha ai ma te Tūlāfono, kae kua holi foki lava e koe te Tūlāfono i tau fakatonuga ki nā tino ke po au!”

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

Loma 4:15

Ko te Tūlāfono e ala mai ai te tōkahā o te Atua; kae kāfai e hēai he tūlāfono, e hēai foki he holitūlāfono.

2 Kolinito 12:21

Ko au e popole auā ia au i nā fakamahiahia e toku Atua i mua o koutou kāfai au e toe pa atu, ma ono tagi ai au ma te fakanoanoa mo nā tino e tokalahi na agahala i te taimi kua teka kae e hēki halamō ia lātou āmio mātagā nae fai — te fai āmio ma te nanau ki te tino.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.

1 Ioane 5:17

Ko nā mea hehē uma lele ko te agahala tēnā, kae e i ei te agahala e hē iku ki te oti.