1 Ioane 3:22 - Tokelauan New Testament

²² E maua e ki tātou mai ia te ia, ho he mea e gogō atu ki tātou ki ei, auā ko ki tātou e uhitaki ki nā mea e fakatonu mai e ia, ma e fai e ki tātou nā mea e fiafia ia ki ei.

1 Ioane 3:22 ပူးပေါင်းရင်းမြစ်များ

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 21:22

Ma ko ho he mea lava e gogō atu ai koutou i te tatalo, ka vēnā lava oi maua e koutou, kāfai koutou e talitonu.”

Maleko 11:24

Ko te mea ia e lea atu ai au ki a te koutou: Kāfai koutou e tatalo ma gogō atu ki he mea, talitonu kua maua e koutou, oi ka fōki atu ai ki a te koutou ho he mea lava e gogō atu koutou ki ei.

Ioane 14:13

Ho he mea lava e gogō atu koutou ki ei i toku igoa, e fai e au, kae ke fakailoa ai te mamalu o te Tamana, e ala i te Ataliki.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Ioane 6:29

Kua tali mai ia Iehu, “Ko te mea e fofou ki ei te Atua, ko koutou ke talitonu ki tē na ia uga maia.”

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Ioane 9:31

E iloa e ki tātou ko te Atua e hē fakalogo ki nā tino agahala; kae e fakalogo ki nā tino e tāpuaki ake ki a te ia ma faia nā mea e fofou ia ki ei.

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

Iakopo 4:3

Ma kāfai koutou e gogō atu ki te Atua, e hē koutou maua auā ko te mea e fakavae ai outou manatu e hehē; ko koutou e gogō ki nā mea o te lalolagi e fakaaogā ke fiafia ai lava koutou.

Iakopo 5:16

Ko te mea ia, e tatau ke fakamāhani koutou i te takutaku atu o agahala a tētahi ki tētahi ma tatalo tētahi mo tētahi, kae ke mālōlō ai koutou. Ko te tatalo a te tino lelei, e mālohi ma e fehoahoani lahi lele ki a te ia.

1 Ioane 2:3

Kāfai ki tātou e uhitaki ki nā mea e fakatonu mai e te Atua, oi ka mautinoa ai e iloa e ki tātou te Atua.

1 Ioane 5:14

Ma e ia te ki tātou te loto mautinoa i te hokotaga a ki tātou ma te Atua, kāfai ki tātou e gogō atu ki a te ia i ho he mea e tuha ai ma tona finagalo, e ia lagona mai ki tātou.