1 Ioane 3:21 - Tokelauan New Testament

²¹ Te kau uho pele, kāfai e lagona e o tātou loto te toka lelei i mua o te Atua, ka maua e ki tātou te loto mākeke ke fakatafapili ai ki a te ia.

1 Ioane 3:21 ပူးပေါင်းရင်းမြစ်များ

Loma 14:22

Ko nā mea kua talia e koe e uiga ki te mea tēnei, ko he mea lava i te va o koe ma te Atua. Amutia nā tino e hēai lele he fakaatu kāfai e fai e ki lātou nā mea e ki lātou iloa e hako!

1 Kolinito 4:4

E hēai he mea e kō iloa e hehē ai au, kae e hē vēake ai la ko au e mamā. E nā ko te Aliki lava te ia fakamahinoa au.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

Efeho 3:12

Ona ko te hokotaga vāvālalata a ki tātou ma Keliho ma to tātou fakatuatua ki a te ia, kua loto toa ai ki tātou ke oatu ki mua o te Atua ma te mautinoa kātoatoa.

1 Timoteo 2:8

Ko au la e fofou ko tamāloloa ke tatalo i autou tāpuakiga uma lele, nā tamāloa kua ofo atu o lātou tagata mo te Atua ma e mafai ke hiki ake o lātou lima ki luga i te tatalo, e aunoa ma he loto ita pe tauaikupu ma iētahi tino.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

1 Ioane 2:7

Te kau uho pele, ko te fakatonuga e tuhi atu ai au ki a te koutou e hē ko he fakatonuga fou; ko te fakatonuga lava tēnei e fokotahi na fōki atu ki a te koutou i te kāmataga. Ko te fakatonuga tuai ko te fekau ia kua uma te fakalogo o koutou ki ei.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

1 Ioane 3:20

Kae e tuha foki lava pe hē toka lelei o tātou loto, ko te Atua e hili lele atu tona mālohi i lo o tātou loto, ma e ia iloa ia mea uma lele.

1 Ioane 4:17

Ko te alofa kua kātoatoa te lelei i loto ia te ki tātou, kae ke ia te ki tātou ai te loto mautinoa i te Aho Fakamahino; ma ka mautinoa e ki tātou, auā ko to tātou ola i te lalolagi nei, e vē foki lava ko te mea na pa ki ei ia Keliho.

1 Ioane 5:14

Ma e ia te ki tātou te loto mautinoa i te hokotaga a ki tātou ma te Atua, kāfai ki tātou e gogō atu ki a te ia i ho he mea e tuha ai ma tona finagalo, e ia lagona mai ki tātou.