1 Ioane 3:2 - Tokelauan New Testament

² Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

1 Ioane 3:2 ပူးပေါင်းရင်းမြစ်များ

Mataio 5:8

Amutia nā tino e loto mamā; auā ka kitea e ki lātou te Atua!

Luka 17:30

Ka vēnā foki lava te mea e pa ki ei, i te aho e fakakikila ai te lalolagi ki te Ataliki o te Tagata.

Luka 20:36

Ka vē ki lātou ko agelu, ma e hē toe oti. Ko ki lātou ko nā fānau ia a te Atua, auā kua toe tutū mai te oti.

Ioane 1:12

Kae ko ki lātou uma na taliagia ia ma talitonu ki ei; na ia tuku atua ki ei te haolotoga, ke kavea ai ki lātou ma fānau a te Atua.

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

Loma 8:18

I toku manatu, ko nā puapuagā e feagai ma ki tātou i te taimi nei, e hē fakatuhatuhagia lele ki te mamalu ka fakailoa mai e te Atua ki a te ki tātou.

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

1 Kolinito 13:12

Ko te mea e kitea e ki tātou i te taimi nei e vē he ata nenefu ki loto o he fakaata; kae i he taimi mulimuli oi ki tātou kitea lelei ai i te fakafehagai ma ia. Ko te mea kua iloa e au i te taimi nei e hē kātoatoa; kae ka kātoatoa mulimuli — e kātoatoa e vē ko te kātoatoa o te iloa o te Atua e uiga ki a te au.

1 Kolinito 15:49

E vē ona fōliga ki tātou ki te tino na gaohia i te kelekele, ke vēnā foki ona fōliga ki tātou ki tē na fanaifo mai te lagi.

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Kolohe 3:4

Ko te ola moni o koutou ko Keliho, ma kāfai e hau, oi ko koutou foki ka ōmamai fakatahi ma ia, ma ka i ei fakatahi koutou i tona mamalu.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

1 Ioane 2:7

Te kau uho pele, ko te fakatonuga e tuhi atu ai au ki a te koutou e hē ko he fakatonuga fou; ko te fakatonuga lava tēnei e fokotahi na fōki atu ki a te koutou i te kāmataga. Ko te fakatonuga tuai ko te fekau ia kua uma te fakalogo o koutou ki ei.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.

1 Ioane 3:21

Te kau uho pele, kāfai e lagona e o tātou loto te toka lelei i mua o te Atua, ka maua e ki tātou te loto mākeke ke fakatafapili ai ki a te ia.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

Fakaaliga 22:4

Ka kitea e ki lātou ona fōliga, ma ka tūhia tona igoa i o lātou muāulu.