1 Ioane 3:17 - Tokelauan New Testament

¹⁷ Kae kāfai he tino maukoloa e ia kitea he uho pe he tuafafine e fofou ki he fehoahoani, kae hē ia te ia he loto alofa ki ei, e vēhea oi lea te tino tēnā ko ia e alofa ki te Atua?

1 Ioane 3:17 ပူးပေါင်းရင်းမြစ်များ

Luka 3:11

Kua tali mai ia Ioane, “Ko te tino e lua ni ona kofu, fōki tētahi kofu mo te tino e hēai hona kofu, ma ko te tino e i ei hana meakai, e tatau ke fai foki vēnā e ia.”

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Epelu 13:16

Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

Iakopo 2:15

Kāfai he uho pe he tuafafine e hē lava ona kofu ma hē lava ana meakai i nā aho takitahi,

Iakopo 2:16

ma e lea vē atu he tino o koutou ki ei, “Ke fakamanuia te Atua ki a te koe. Fakamāfanafana lelei ma ke lava tau mea e kai,” kae hē fōkia ki ei nā mea e manakomia e ia ke ola ai, he ā nei te aogā?

1 Ioane 4:20

Kāfai ki tātou e lea ko ki tātou e alolofa ki te Atua kae inoino ki o tātou uho ma o tātou tuafafine, ko ki tātou ni tino tala pepelo. Auā e hē mafai ki tātou ke alolofa ki te Atua e hē ki tātou kiteagia, kāfai ki tātou e hē alolofa ki o tātou uho ma o tātou tuafafine e kitea e ki tātou.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.