1 Ioane 3:16 - Tokelauan New Testament

¹⁶ Ko tēnei te mea e iloa ai e ki tātou te mea e takua ko te alofa: Ko Keliho na fōki tona ola mo ki tātou. Ko ki tātou foki la, e tatau ke fōki o tātou ola mo iētahi uho Kelihiano!

1 Ioane 3:16 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Ioane 10:11

“Ko au ko te leoleomāmoe lelei. Ko te leoleomāmoe lelei e ofo atu e ia tona ola, mo ana māmoe.

Ioane 10:15

e vēnā foki ona iloa e au aku māmoe, ma ki lātou iloa au. Ma e ofo atu e au toku ola, mo ki lātou.

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Loma 16:4

ko ki lāua iēnei, na lamatia lele o lā ola ona ko au. Ko au la e fakafetai lahi lele ki ei — e hē nā ko au oioti, kae vēnā foki nā Ekalehia uma a tagata nukukehe.

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

2 Kolinito 4:12

Ko tona uiga, ko te oti e galue i loto ia te ki mātou, ka ko te ola e galue i loto ia te koutou.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 2:30

auā na mea lava e mate mo te gāluega a Keliho, kae ke maua ai e au te fehoahoani tēia e hēki koutou mafaia oi fōki mai ki a te au.

1 Tehalonia 2:8

Ona ko to mātou alolofa ki a te koutou, na lava hāuni ai ki mātou ke kavatu te Tala Lelei mai te Atua ki a te koutou, e tuha lava pe feoti ai ki mātou. Ko koutou e tāua lahi lele ia te ki mātou.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

1 Petelu 1:18

Auā e iloa e koutou te mea na totogi ai te haolotoga o koutou mai nā uiga e hēai he aogā, na iloa e koutou mai outou tupuna. E hē ko he mea e fano e pala e vē ko te hiliva pe ko te aulo;

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Ioane 2:6

ko te tino la e lea ko ia e tūmau i te māfutaga ma te Atua, e tatau ke fakatakitaki ki nā mea nae fai e Iehu Keliho.

1 Ioane 2:9

Ko te tino e lea ko ia e i te mālamalama kae e ita ki tona uho a Kelihiano, koi i te pōuliuli lava ia.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.