1 Ioane 3:15 - Tokelauan New Testament

¹⁵ Ko ai lava he tino e inoino ki hētahi tino, he tāmate tino tēnā, ma kua iloa e koutou e hēai he tāmate tino e ia te ia te ola e fakavavau.

1 Ioane 3:15 ပူးပေါင်းရင်းမြစ်များ

Mataio 5:28

Kae ko au e lea atu nei ki a te koutou: ko te tino e kikila ki he fafine ma nanau ki ei, kua agahala ia i te mulilua i tona loto.

Maleko 6:19

Ko te mea ia nae ita ai pea lava ia Helotia ki a Ioane ma fofou ke tāmate, kae nae hē mafai ke fai hana mea ki ei ona ko Helota.

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Gāluega 23:12

I te taeao na hohoko ai, na fono fakatahi ai ni tino Iutaia ma na fai ai te lātou tonu. Na fai te lātou tautōga ko ki lātou e hē kakai lele pe inu, heiloga ko Paulo kua tāmate e ki lātou.

Gāluega 23:14

Oi olo ai ki nā ohitāulaga hili ma nā toeaina oi lea vē ki ei, “Kua fai te mātou tautōga fakatahi, e hēai he tino o ki mātou e kai heiloga kua tāmate e ki mātou ia Paulo.

Iakopo 1:15

Ko o tātou tuinanauga kino e ola ake ma fānau mai ai te agahala: ma ko te agahala, kāfai e matua, e fānau mai ai te oti.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

1 Ioane 2:11

Kae ko te tino e ita ki tona uho Kelihiano e ola i te pōuliuli; e havali i te pōuliuli ma e hē ia iloa te mea e fano ia ki ei, auā kua fakatauahogia ia e te pōuliuli.

1 Ioane 2:9

Ko te tino e lea ko ia e i te mālamalama kae e ita ki tona uho a Kelihiano, koi i te pōuliuli lava ia.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”