1 Ioane 3:12 - Tokelauan New Testament

¹² Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

1 Ioane 3:12 ပူးပေါင်းရင်းမြစ်များ

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 13:38

ko te fatoaga ko te lalolagi; ko nā fatu haito lelei ko nā tino iēnā e o te Atua; ko nā vao kino ko nā tino iēnā e o Hātani;

Mataio 23:35

Ona ko te mea tēnei, ka pakū atu ai ki o koutou luga te fakahalaga mo te fakamaligiga o te toto o nā tino āmiotonu i te lalolagi, mai te toto o Apelu e aunoa ma hana hala ki te toto o Hakalia te ataliki o Palakia, na koutou tāmatea i te va o te fata faitāulaga ma te Nofoaga Paia i loto o te Mālumalu.

Mataio 27:23

Kae kua fehili atu ia Pilato, “Aiheā, ko he holitūlāfono ā ta ia kua fai?” Oi kāmata ai taukalalaga leo lahi ki lātou: “Fakahātaulo te tino tēnā!”

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

Luka 11:51

mai te tāmatega o Apelu ki te tāmatega o Hakalia, tēia na tāmate i te va o te fata faitāulaga ma te Nofoaga Paia. Io, e lea atu au ki a te koutou, ko nā tino o nā aho nei ka fakahala ona ko ki lātou uma lele na tāmate!

Ioane 10:32

Kua lea atu ia Iehu ki a te ki lātou, “Kua fakailoa atu e au ki a te koutou te lahi o nā gāluega lelei na tuku mai e te Tamana ki a te au ke fai; tēfea la te gāluega o nā gāluega iēnei ka fetogi ai au e koutou?”

Ioane 8:40

Oi oti lava te mea kua fai e au, ko te fakailoa atuga ki a te koutou o te meamoni na fakahino mai e te Atua ki a te au, kae kua taumafai koutou oi fahioti au. E hēki faia lele e Apelaamo he mea vēnā!

Ioane 8:41

E fai lava e koutou te mea na fai e te koutou tamana.” Kua tali mai ki lātou, “Ko te Atua oioti lava to mātou Tamana, ma ko ki mātou ko nā fānau moni lava a ia.”

Gāluega 7:52

Na kua i ei nei he pelofeta e hēki fakahāuā ki ei outou tupuna? Na ki lātou tāmatea nā kavefekau a te Atua iē na ki lātou folafola maia i nā aho kua loa, te haele mai o tana Kaukauna āmiotonu. Kae nei, kua fakalatagia ma tāmate e koutou.

1 Tehalonia 2:14

Te kau uho, e tutuha lava te mea na pa koutou ki ei ma te mea na pa ki ei nā tino kua ia Keliho Iehu i nā Ekalehia a te Atua i Iutea. Na pakia koutou i nā fakahāuāga mai nā tino lava o koutou, e vē foki lava oi pakia ki lātou i nā fakahāuāga a tagata Iutaia,

Epelu 11:4

Ko te fakatuatua o Apelu na ofo ai e ia ki te Atua he tāulaga e hili atu te lelei i lo te tāulaga a Kaino. Ko tona fakatuatua na talia ai ia e te Atua ko he tino āmiotonu, auā ko te Atua lava te na taliagia tana meaalofa. Ona ko tona fakatuatua, koi tautala ai pea lava ia Apelu, e ui lava kua mate.

Epelu 12:24

Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

1 Petelu 4:4

Ko tagata fakapaupau i te taimi nei, e ofo auā ko koutou kua hē toe ola i he ōlaga hē taupulea e vē ko ki lātou, ma ko te mea ia kua fai ai e ki lātou nā tala tau fakakino ki a te koutou.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Iuta 1:11

Kai te fakaalofa lele o ki lātou auā kua mulimuli ki te auala na kui ai ia Kaino. Kua fakatakitaki ki te mea hehē a Palaama na fai, kae ke lahi ai ni a lātou tupe e maua. Kua fakatuikehe ki lātou e vē ko te fakatuikehe o Kola, ma e fakaumatia ki lātou e te Atua, vē foki lava ko te mea na pa ki a Kola.

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.