1 Ioane 2:29 - Tokelauan New Testament

²⁹ E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.

1 Ioane 2:29 ပူးပေါင်းရင်းမြစ်များ

Ioane 1:13

E hēki kavea ki lātou ma fānau a te Atua, e vē ko te tūlaga māhani fakatetagata, e fānanau mai ni fānau e a he tamana; kae ko te Atua lava ia, ko to lātou Tamana.

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Gāluega 10:35

Ko nā tino e tāpuaki ki te Atua ma ki lātou faia te mea tonu, e talia ki lātou e ia, e tuha lava pe ko fea te mālō e ōmamai ai.

Gāluega 22:14

Oi lea vē mai ai, ‘Ko te Atua o nā tupuna o ki tātou, kua ia filifiliagia koe ke kē iloa te mea e fofou ia ki ei, ke kē kitea tana Kaukauna āmiotonu, ma ke kē lagona tona lava leo e tautala atu ki a te koe.

Gāluega 3:14

Ko Iehu nae paia ma lelei, kae na teteke koutou ki a te ia ma lea koutou ki a Pilato ke tatala ma fakahaoloto te tino tāmate tino.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Epelu 7:2

oi fōki ai e Apelaamo ki ei te tahi vaehefulu o nā mea uma lele na maua mai te taua. (Ko te uiga muamua o te igoa o Melekiheteka ko te “Tupu Fai Meatonu”; ma ona ko ia foki ko te tupu o Halema, e i ei ai foki tētahi uiga o tona igoa ko te “Tupu o te Fīlēmū.”)

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.

1 Ioane 3:7

Taku fānau, ia koutou lele nā fakahehēa e he tino! Ko ai lava e fai e ia te mea e tonu, ko ia tēnā e āmiotonu, e vē lava ko Keliho e āmiotonu.

1 Ioane 4:7

Te kau uho pele, e tatau ki tātou ke alofa tētahi ki tētahi, auā ko te alofa ko he mea e hau mai te Atua. Ko nā tino e alolofa ni fānau ki lātou e a te Atua, ma e ki lātou iloa te Atua.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

1 Ioane 5:4

auā ho he fānau a te Atua e mafai e ia oi fakatōkilalo te lalolagi. Ma ko te manumālō e fakatōkilalo ai te lalolagi e maua e ki tātou e ala i to tātou fakatuatua.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.