1 Ioane 2:27 - Tokelauan New Testament

²⁷ Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

1 Ioane 2:27 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Ioane 14:16

Ko au ka tatalo ki te Tamana, ma ka ia fōki atua ki a te koutou hētahi Fehoahoani, ke fakatahi pea ma koutou ke pa ki te fakavavau.

Ioane 14:17

Ko ia ko te Agaga e fakailoagia te meamoni e uiga ki te Atua. E hē mafai ke talia ia e tagata o te lalolagi, auā e hē ki lātou kitea pe iloa ia. Kae e koutou iloa ia, auā e tūmau ia ma koutou, ma e i loto ia, ia te koutou.

Ioane 14:26

Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

Ioane 16:13

Kae kāfai e hau te Agaga, tē e ia fakailoa te meamoni, ka ia takitakia koutou ki te meamoni. Ka hē tautala ia i hana lava pule, kae ka tautala i nā mea e ia lagona, ma ka ia fakailoa atua ki a te koutou nā mea ka tutupu.

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 6:45

Na tūhia e nā pelofeta, ‘Ko tagata uma ka akoakogia e te Atua.’ Ko nā tino uma e fakalogo ki te Tamana ma maua ho lātou akoakoga mai ia te ia, e ōmamai ki a te au.

1 Kolinito 2:12

E hē ko te agaga o te lalolagi te kua ki mātou maua; kae ko te Agaga na uga mai e te Atua, kae ke mālamalama ai ki mātou i nā mea uma kua fōki mai e te Atua mo ki tātou.

1 Kolinito 2:13

Ko te mea ia, ko ki mātou e hē tautatala i ni kupu na akoako e te poto fakatetagata, kae tautatala i nā kupu na akoako e te Agaga, i nā taimi e fakamālamalama ai e ki mātou nā meamoni fakateagaga, ki nā tino kua ia te ki lātou te Agaga.

2 Kolinito 1:21

Ma ko te Atua lava ia te na mafai ai ki māua ke ola fakatahi ma koutou i te māfutaga ma Keliho; ko te Atua lava ia te na ia tōfiagia ki māua,

Efeho 4:21

Ko hēki fakalogo moni nei lava koutou e uiga ki a te ia, ma akoakogia i te meamoni e i a Iehu.

Kolohe 2:6

Ona kua koutou taliagia ia Keliho Iehu ko te Aliki, ola foki la i te māfutaga fakatahi ma ia.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Tehalonia 4:9

E hē tatau ki mātou ke tuhi atu e uiga ki te koutou alolofa ki outou uho Kelihiano. Kua uma lava te akoako atu o koutou e te Atua i te mea tēnei;

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

1 Ioane 3:24

Ko nā tino e uhitaki ki nā mea kua fakatonu mai e te Atua, e tūmau te tahi o ki lātou i te māfutaga ma te Atua, ma ko te Atua e tūmau te tahi o ia i te māfutaga ma ki lātou. Ma e ona ko te Agaga kua fōki mai e te Atua ki a te ki tātou, kua iloa ai e ki tātou ko te Atua e tūmau te tahi o ia ma ki tātou, e ala i te Agaga kua ia fōki maia ki a ki tātou.

2 Ioane 1:2

auā ko te meamoni tēnei e tūmau i loto ia te ki mātou ma ka i ei pea ia te ki mātou ke pa ki te hēgata.