1 Ioane 2:24 - Tokelauan New Testament

²⁴ Ke mautinoa la e teu pea i outou loto te fekau na fakalogo koutou ki ei mai te kāmataga. Kāfai koutou e tauhi ki te fekau tēnā, ko koutou foki la ka ola pea lava i te hokotaga ma te Ataliki ma te Tamana.

1 Ioane 2:24 ပူးပေါင်းရင်းမြစ်များ

Luka 1:2

Na tūhia e ki lātou nā mea na fakailoa mai ki a te ki mātou e nā tino nae i ei i te kāmataga ma nae ki lātou folafolagia te fekau.

Luka 9:44

“Fakalogo lelei mai ki te mea ka lea atu ai au ki a te koutou! Ko te Ataliki o te Tagata ka tukulima atu ki lalo o te pule a tagata.”

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Ioane 6:56

Ko nā tino e kakai ki toku kanofi ma inu ki toku toto, e tūmau ki lātou ia te au, ma au foki ia te ki lātou.

Ioane 8:25

“Ko ai koe?” kua fehili vēnā atu ki lātou ki a te ia. Kua tali atu ia Iehu, “Ko tēnā lava na lea atu ai au i te kāmataga.

Filipi 4:15

E iloa lelei lava e koutou iēnā i Filipi, i te fano kehega o oku ma Maketonia i te kāmataga o te tālakiga o te Tala Lelei, e hēai hētahi Ekalehia na gālulue fakatahi ki mātou na fōki maia ki a te au he fehoahoani ma talia e au, kae vaganā ai lava koutou.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

1 Ioane 2:7

Te kau uho pele, ko te fakatonuga e tuhi atu ai au ki a te koutou e hē ko he fakatonuga fou; ko te fakatonuga lava tēnei e fokotahi na fōki atu ki a te koutou i te kāmataga. Ko te fakatonuga tuai ko te fekau ia kua uma te fakalogo o koutou ki ei.

1 Ioane 3:24

Ko nā tino e uhitaki ki nā mea kua fakatonu mai e te Atua, e tūmau te tahi o ki lātou i te māfutaga ma te Atua, ma ko te Atua e tūmau te tahi o ia i te māfutaga ma ki lātou. Ma e ona ko te Agaga kua fōki mai e te Atua ki a te ki tātou, kua iloa ai e ki tātou ko te Atua e tūmau te tahi o ia ma ki tātou, e ala i te Agaga kua ia fōki maia ki a ki tātou.

1 Ioane 4:13

E mautinoa e ki mātou ko ki tātou e ola i te māfutaga ma te Atua ma ko te Atua e ola i te māfutaga ma ki tātou, auā kua tuku mai e ia ki a te ki tātou tona Agaga.

1 Ioane 4:15

Ko ai lava he tino e ia takutinoagia ko Iehu ko te Ataliki o te Atua, ko te tino tēnā e ola i te māfutaga ma te Atua, ma ko te Atua e ola i te māfutaga ma ia.

1 Ioane 4:16

Ma kua iloa lelei lava e ki tātou ma kua talitonu ki tātou, ki te alofa o te Atua mo ki tātou. Ko te Atua ko te alofa, ma ko nā tino e alolofa, e ola ki lātou i te māfutaga ma te Atua, ma ko te Atua e ola i te māfutaga ma ki lātou.

2 Ioane 1:2

auā ko te meamoni tēnei e tūmau i loto ia te ki mātou ma ka i ei pea ia te ki mātou ke pa ki te hēgata.

2 Ioane 1:9

Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.

3 Ioane 1:3

Ko au na fiafia lahi lele i te taunuku maiga o ni uho Kelihiano, ma ki lātou molimaugia te pipiki o koe ki te meamoni — e vē lava ona ola ai koe i aho uma, i te meamoni.

Fakaaliga 3:11

Kua pili mai te taimi e fanatu ai au. Tāofi mau ki nā mea kua ia te koe, kae ke nahe kaihohoagia e he tino te fakailoga o tō manumālō.

Fakaaliga 3:3

Ke manatua la nā mea na akoako atu ai koutou, ma nā mea na fakalogo koutou ki ei; uhitaki ki ei ma liliu kehe mai autou agahala. Kāfai koutou ka hē āla ki luga, ko au ka fanatu ki a te koutou e vē he tino kaihohoa, ma ka hē koutou iloa te taimi e fanatu ai au.