“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.
“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”
kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.
Oi lea mai ai ki lātou ki a Iehu, “E i fea tō Tamana?” Kua tali atu ia Iehu, “E hē koutou iloa au, pe ko toku Tamana. Kana koutou iloa au, e koutou iloa foki toku Tamana”
Ko ai la te tino e tala pepelo? Ko ho he tino e lea ko Iehu e hē ko te Mehia. Ko te tino e lea vēnei, ko ia tēnā ko te Fili o Keliho — e hē ia taliagia te Tamana ma te Ataliki.
Ko ai lava he tino e ia takutinoagia ko Iehu ko te Ataliki o te Atua, ko te tino tēnā e ola i te māfutaga ma te Atua, ma ko te Atua e ola i te māfutaga ma ia.
Ko tēnei te mea ka koutou iloa ai pe ko te agaga e mai te Atua: ho he tino e takutino e ia ko Iehu Keliho na hau e vē he tagata ola, ko te tino tēnā e ia te ia te Agaga e hau mai te Atua.
E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.