1 Ioane 2:22 - Tokelauan New Testament

²² Ko ai la te tino e tala pepelo? Ko ho he tino e lea ko Iehu e hē ko te Mehia. Ko te tino e lea vēnei, ko ia tēnā ko te Fili o Keliho — e hē ia taliagia te Tamana ma te Ataliki.

1 Ioane 2:22 ပူးပေါင်းရင်းမြစ်များ

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 24:5

Auā e tokalahi nā tino ka ōmamai i toku igoa ma lea vē atu, ‘Ko au ko te Mehia,’ ma ka ki lātou fakahehēa te tokalahi o tagata.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

1 Ioane 1:6

Kāfai la ki mātou e lea atu ko ki mātou e māfuta ma ia, kae ko ki mātou e nonofo i te pōuliuli, ko ki mātou la kua pepelo ia mātou kupu ma a mātou gāluega e fai.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 2:23

Auā ko te tino e hē ia taliagia te Ataliki e hē ia te ia foki te Tamana; ko te tino e ia taliagia te Ataliki e ia te ia foki te Tamana.

1 Ioane 2:4

Ko te tino e lea e ia iloa te Atua, kae e hē uhitaki ki te mea e fakatonu mai e te Atua, ko te tino tēnā e talapepelo ma e hē i loto ia te ia te meamoni.

1 Ioane 4:20

Kāfai ki tātou e lea ko ki tātou e alolofa ki te Atua kae inoino ki o tātou uho ma o tātou tuafafine, ko ki tātou ni tino tala pepelo. Auā e hē mafai ki tātou ke alolofa ki te Atua e hē ki tātou kiteagia, kāfai ki tātou e hē alolofa ki o tātou uho ma o tātou tuafafine e kitea e ki tātou.

1 Ioane 4:3

Kae ko ho te tino e hē ia faia he takutinoga vēnei e uiga ki a Iehu, e hē ia te ia te Agaga e hau mai te Atua. Ko te agaga e ia te ia e hau mai te Fili o Keliho; na fakalogo koutou e hau, ma i te taimi nei, kua i kinei i te lalolagi.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

2 Ioane 1:7

Kua tokalahi ia tagata fakahehē kua olo ki itū uma o te lalolagi, ni tino e hē talitonu ko Iehu Keliho na hau ko he tagata ola. Ko nā tino vēnā e tau fakahehē ma e teteke ki a Keliho.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Fakaaliga 3:9

Kikila, ko nā tino o Hātani, nā tino talapepelo e lea ko ki lātou ni Iutaia kae e hē ni Iutaia; ka kō kaumaia ki lātou ke tōtutuli pūnonou ki mua o outou vae. Ka iloa uma e ki lātou ko au e alofa atu ki a te koutou.