1 Ioane 2:21 - Tokelauan New Testament

²¹ Ko au la e tuhi atu ki a te koutou, e hē ona e hē koutou iloa te meamoni; kae ona e koutou iloa, ma e iloa foki e koutou e hēai lele he tala pepelo e mafai ke hau i te meamoni.

1 Ioane 2:21 ပူးပေါင်းရင်းမြစ်များ

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Iakopo 1:19

Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

2 Petelu 1:12

Ma ka fakamanatu atu pea lava e au ki a te koutou nā mea iēnei, e ui lava kua uma te koutou iloa ma kua mautū lelei koutou i te meamoni kua ia te koutou.

1 Ioane 3:19

Ko nā mea la iēnā ka iloa ai ko ki tātou e i te meamoni, ma e lagona e o tātou loto te toka mālie i mua o te Atua.

Iuta 1:5

E ui lava la kua iloa e koutou nā mea uma iēnei, kae ko au e fofou ke fakamanatu atu ki a te koutou te laveakiga e te Aliki o tagata Ihalaelu mai Aikupito, kae mulimuli ake na fakaumatia e ia nā tino o ki lātou e hēki talitonu.