1 Ioane 2:16 - Tokelauan New Testament

¹⁶ Ko nā mea uma o te lalolagi — te nanau ki te tino, nanau ki nā mea e kitea e nā mata, te fāfia i nā mea o te ōlaga — e hēai he mea o nā mea iēnei e hau mai te Tamana; e hau uma lele mai te lalolagi.

1 Ioane 2:16 ပူးပေါင်းရင်းမြစ်များ

Mataio 4:8

Oi toe kave ai e te Tiāpolo ia Iehu ki luga o he mauga maualuga, kua fakahino ki ei nā mālō uma o te lalolagi ma te tūkehe o nā mamalu o ki lātou.

Mataio 5:28

Kae ko au e lea atu nei ki a te koutou: ko te tino e kikila ki he fafine ma nanau ki ei, kua agahala ia i te mulilua i tona loto.

Luka 4:5

Oi kave ai ia Iehu e te Tiāpolo ki he mea maualuga, ma fakakikila ki nā mālō uma o te lalolagi, mo he taimi pukupuku.

Loma 13:14

Kae tātou hiki ake nā meatau a te Aliki ko Iehu Keliho, ma nahe ki tātou toe manatu ki nā uiga mātagā fakatetagata ma te fakamaliega o ona tuinanauga.

1 Kolinito 10:6

Ko nā mea uma iēnei ni fakatakitakiga mo ki tātou, kae ke fakaeteete ai ki tātou i te faia o nā mea e kino, e vē ona ki lātou faia,

Kalatia 5:17

Auā ko te mea e fofou ki ei to tātou natula fakatetagata, e teteke ki te mea e fofou ki ei te Agaga, ma ko nā mea e fofou ki ei te Agaga, e teteke ki ei to tātou natula fakatetagata. Ko nā mea iēnei e lua e fetekeaki tētahi ki tētahi, ma ko tona uiga e hē koutou mafaia oi fai he mea e fofou koutou ki ei.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Iakopo 3:15

Ko te itūkāigā poto tēnā e hē mai te lagi, kae e mai te lalolagi. E hē ko he mea tau te agaga, kae he mea tau tēmoni.

Iakopo 4:16

Kae ko koutou e fāfifia ma gugutu. Ko nā itūkāigā gugutu uma vēnā e kino.

1 Petelu 1:14

Uhitaki ki te Atua, ma nahe pūlea outou ōlaga e nā manatu nae ia te koutou kae ko hēki koutou iloa ai te Tala Lelei e uiga ki a Iehu Keliho.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.