1 Ioane 2:15 - Tokelauan New Testament

¹⁵ Koutou nahe alolofa ki te lalolagi pe ko nā mea o te lalolagi. Kāfai koutou e alolofa ki te lalolagi, ko koutou la e hē alolofa ki te Tamana.

1 Ioane 2:15 ပူးပေါင်းရင်းမြစ်များ

Mataio 4:8

Oi toe kave ai e te Tiāpolo ia Iehu ki luga o he mauga maualuga, kua fakahino ki ei nā mālō uma o te lalolagi ma te tūkehe o nā mamalu o ki lātou.

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Luka 16:13

“E hēai he kaukauna e mafai ke kaukauna ki ni matai e toka lua; auā ka ita ki tētahi, kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.”

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Ioane 3:17

Kae kāfai he tino maukoloa e ia kitea he uho pe he tuafafine e fofou ki he fehoahoani, kae hē ia te ia he loto alofa ki ei, e vēhea oi lea te tino tēnā ko ia e alofa ki te Atua?

1 Ioane 4:5

Ko nā pelofeta pepelo e tautatala ki nā mea o te lalolagi, ma e fakalogo ki ei te lalolagi auā e o te lalolagi ki lātou.

1 Ioane 5:10

Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.