1 Ioane 2:13 - Tokelauan New Testament

¹³ Ko au e tuhi atu ki a te koutou nā tamana, auā e iloa e koutou tē nae i ei mai lava i te kāmataga. Ko au e tuhi atu ki a te koutou te tupulaga, auā kua fakatōkilalo e koutou te Tino Kino.

1 Ioane 2:13 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 13:38

ko te fatoaga ko te lalolagi; ko nā fatu haito lelei ko nā tino iēnā e o te Atua; ko nā vao kino ko nā tino iēnā e o Hātani;

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

Luka 10:22

“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”

Ioane 14:7

Nei la kua koutou iloa au,” kua lea atu ia Iehu ki a te ki lātou, “ka koutou iloa foki toku Tamana, ma e kāmata atu nei, e koutou iloa ia, ma kua koutou kiteagia ia.”

Ioane 14:9

Kua tali mai ia Iehu, “Filipo, kai te mataloa lele o te taimi talu te fakatahi o au ma koutou, kae ko hēki kē iloa lava au? Ko ai lava e ia kitea au, kua ia kiteagia te Tamana. He ā la te lea ai koe, ‘Fakahino mai ki a te ki mātou te Tamana’?

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Ioane 17:21

Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 8:19

Oi lea mai ai ki lātou ki a Iehu, “E i fea tō Tamana?” Kua tali atu ia Iehu, “E hē koutou iloa au, pe ko toku Tamana. Kana koutou iloa au, e koutou iloa foki toku Tamana”

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

1 Timoteo 5:1

Nahe munaia e koe he tamāloa kua matua, kae apoapoaki ki ei e vē ko he tamana ki a te koe. Ke vē nā tamāloa talavou ni uho ki a te koe i au faiga e fai ki ei,

Tito 2:6

Ke vēnā foki oi fakamālohi ki taulelea talavou ke ola pūlea.

1 Ioane 1:1

Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 2:12

Ko au e tuhi atu ki a te koutou taku fānau, auā ko autou agahala kua fakamāgalo e ala ia Keliho.

1 Ioane 2:14

Ko au e tuhi atu ki a te koutou taku fānau, auā e iloa e koutou te Tamana. Ko au e tuhi atu ki a te koutou nā tamana, auā e iloa e koutou tē nae i ei mai lava i te kāmataga. Ko au e tuhi atu ki a te koutou te tupulaga, auā ko koutou e mākekeke; ko te kupu a te Atua e ola i loto ia te koutou, ma kua fakatōkilalo e koutou te Tino Kino.

1 Ioane 3:12

Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 2:7

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō tukua ki ei te avanoa ke kakai ai ki nā fua o te lākau o te ola, e ola i te Fatoaga o te Atua.