1 Ioane 1:7 - Tokelauan New Testament

⁷ Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

1 Ioane 1:7 ပူးပေါင်းရင်းမြစ်များ

Mataio 6:12

Fakamāgalo o mātou hehē, e vē oi fakamāgalo e ki mātou ia hehē o iētahi tino ki a te ki mātou.

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 12:35

Kua tali atu ia Iehu, “Ko te mālamalama ka i ei fakatahi ma koutou mo hina taimi. Havavali loa ka koi i ei fakatahi te mālamalama ma koutou, kae ke nahe maua koutou i te pōuli; auā ko te tino e havali i te pōuli, e hē ia iloa te mea e fano ia ki ei.

Loma 13:12

Kua loa te pō, ma kua tāli pa lele ki te ao. Ke i na tuku loa e ki tātou nā mea e fai i te pōuli, kae hiki ake nā meatau e tau ai i te mālamalama.

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 5:8

Ko koutou foki nae māhani oi ola i te pōuliuli, kae talu lava te kavea o koutou ma tagata o te Aliki, ko koutou kua i te mālamalama. Ko koutou la e tatau ke ola e vē ko nā tino o te mālamalama,

1 Timoteo 6:16

Nā ko ia lava te ola pea lava; e nofo ia i te mālamalama e pupula lahi e hē mafai ke kikila ki ei he tino, ma e hēai he tino na kua ia kitea, pe mafai foki ke ia kitea. Ke ia te ia te vīkiga ma te mana e fakavavau! Amene.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Iakopo 1:17

Ko nā meaalofa uma lele e lelei ma kātoatoa, e mai te lagi. E fanaifo ki lalo mai te Atua, tē na faia ia mea pupula uma i te lagi, ma e tūmau pea lava ma hēai hona hūiga, pe he ataata kāfai e liliu.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

1 Ioane 1:5

E vēnei la te fekau kua fakailoa mai e tona Ataliki ki a te mātou: Ko te Atua ko te mālamalama, ma e hēai lele he pōuliuli ia te ia.

1 Ioane 5:6

Ko Iehu Keliho ko te tino ia na hau ma te vai mo tona papatihoga, ma te toto o tona mate. E hē nā ko te vai te na hau ma ia, kae ko te vai ma te toto. Ma ko te Agaga lava ia te molimau ki te moni o te mea tēnei, auā ko te Agaga ko te meamoni.

1 Ioane 5:8

ko te Agaga, ko te vai, ma te toto; ma ko te toka tolu tēnei e tutuha lava te lātou molimau.

2 Ioane 1:4

Kai te lahi o toku fiafia i te kō iloaga ko iētahi o fānau a koutou e mulimuli ki te meamoni, e vē lava oi fakatonu mai ai ki tātou e te Tamana.

3 Ioane 1:4

E hēai he mea e hili atu ona fiafia ai au i lo toku fakalogo atu ko taku fānau e ola i te meamoni.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.