1 Ioane 1:6 - Tokelauan New Testament

⁶ Kāfai la ki mātou e lea atu ko ki mātou e māfuta ma ia, kae ko ki mātou e nonofo i te pōuliuli, ko ki mātou la kua pepelo ia mātou kupu ma a mātou gāluega e fai.

1 Ioane 1:6 ပူးပေါင်းရင်းမြစ်များ

Mataio 7:22

Kāfai e pa mai te Aho Fakamahino, e tokalahi nā tino ka lea mai ki a te au ‘Te Aliki, Te Aliki! Ko tō igoa te na ki mātou tālakia ai te fekau a te Atua, ko tō igoa foki te na ki mātou tulia ai ki fafo nā tēmoni ma ki mātou faia ai nā vāvega e lahi.’

Ioane 11:10

Kae ko nā tino e havavali i te pō e tūhigahiga, auā ko te mālamalama e hē i loto o ki lātou.”

Ioane 12:35

Kua tali atu ia Iehu, “Ko te mālamalama ka i ei fakatahi ma koutou mo hina taimi. Havavali loa ka koi i ei fakatahi te mālamalama ma koutou, kae ke nahe maua koutou i te pōuli; auā ko te tino e havali i te pōuli, e hē ia iloa te mea e fano ia ki ei.

Ioane 12:46

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Ioane 8:55

E hēki koutou iloa lele ia, kae e iloa e au. Kāfai au e lea atu e hē ko iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu.

1 Timoteo 4:2

Ko nā akoakoga vēnā e fakahalalau e nā tino talapepelo fakahehē, kua mamate o lātou lotofuatia, e vē na huhunu i he ukamea kakaha.

Iakopo 2:14

Te kau uho, he ā nei te aogā pe kāfai he tino o koutou e lea ko ia e fakatuatua, kae e hēai ni fakatinoga ke fakamāonia ai? E mafai nei e te fakatuatua tēnā ke fakaola e ia te tino tēnei?

Iakopo 2:16

ma e lea vē atu he tino o koutou ki ei, “Ke fakamanuia te Atua ki a te koe. Fakamāfanafana lelei ma ke lava tau mea e kai,” kae hē fōkia ki ei nā mea e manakomia e ia ke ola ai, he ā nei te aogā?

Iakopo 2:18

Kae ka lea vē he tino, “E mafai ke fakatuatua tētahi tino kae fai ni gāluega e tētahi.” Ko taku tali ki ei, “Fakahino mai pe vēhea ona i ei he fakatuatua i he tino kae hē faia ni ana gāluega? Ka fakahino atu e au toku fakatuatua e ala ai aku gāluega.”

1 Ioane 1:10

Kāfai ki mātou ka lea ko ki mātou e hēki agahala, ka taku pepelogia e ki mātou te Atua, ma ko tana kupu e hē i loto ia te ki mātou.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

1 Ioane 1:8

Kāfai ki mātou e lea e hēai ni a mātou agahala, kua pepelo lava ki mātou ki a te ki mātou, ma e hēai he meamoni ia te ki mātou.

1 Ioane 2:4

Ko te tino e lea e ia iloa te Atua, kae e hē uhitaki ki te mea e fakatonu mai e te Atua, ko te tino tēnā e talapepelo ma e hē i loto ia te ia te meamoni.

1 Ioane 4:20

Kāfai ki tātou e lea ko ki tātou e alolofa ki te Atua kae inoino ki o tātou uho ma o tātou tuafafine, ko ki tātou ni tino tala pepelo. Auā e hē mafai ki tātou ke alolofa ki te Atua e hē ki tātou kiteagia, kāfai ki tātou e hē alolofa ki o tātou uho ma o tātou tuafafine e kitea e ki tātou.