Yudas 1:8 - En Taar Weru a nunuwu' é Tontemboan

⁸ Taniitu ka'i wo sé guru ra'ica wutul. Séra itu tampangipin wo anggapen éra em pinangipi éra itu wutul akar séra mengaéma' sé andumoro' in sina, paepesen érake' im beren eng kawasa i Amang Kasuruan wo ka'i mengaojat pakasa sé mahluk sé parayo-rayo wo pasiri-siriin an sorga.

Yudas 1:8 ပူးပေါင်းရင်းမြစ်များ

Lukas 11:25

Tutuw sia maréng angé am balé itu, sérénna em balé itu kina'isano wo tinu'tulo sumama-sama'.

Lukas 12:11

Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow.

Lukas 19:14

Taan sé tou an doongna itu masuut isia. Anaé, an tutuw sia imangém wo iru'du' éra tou mangé an doong wangker wo tayang itu, eng kumua tana'i, ‘Ra'ica kiim ami si tou itu mamuali kolano ami.’

Kisah Para Rasul 23:5

Wo isowat i Paulus, “Poo-poow, ra'ica kailekanku sa sia itu imam wangko'. Mémang aipatic ang Kitap Le'nas tana'i, ‘Tioo kamu maroma' in léwo' andumoro' si kikiiten iow.’ ”

Kisah Para Rasul 7:27

Taan si tou si mukul si carapina itu rumuké si Musa, icuana, ‘Si séi réén e mangkai ico mamuali kikiiten ami wo makim icami?

Kisah Para Rasul 7:39

Taan sé apo-apo'ta ra'ica kiim luminga ai sia wotaré aicélong érake' sia. Wo an untep in até éra, séra masalé' maréng sumawel an tana' Mesir.

1 Korintus 3:17

Sa awéan tou luméwo' im Balé i Amang Kasuruan, sia léwoon-Na oka. Ampa'paan em Balé i Amang Kasuruan le'nas wo icamuo em Balé i Amang Kasuruan.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

1 Timotius 1:10

torona ka'i é tou mengacabul, sé tuama mengacabul a sé kakéléna tuama, sé mapu'is in tou en wangkér émaan ata, sé kotowo, sé tou mengasairi in towo wo ka'i sé tou makélong in sususuien wutul.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

1 Petrus 2:17

Pengasiriin angé sé pakasa in tou wo mengaupuso mangé sé poo-poow iow an esa paémanen. Maindé'o mangé a si Amang Kasuruan wo pengasiriin angé si colano miow.