Yudas 1:4 - En Taar Weru a nunuwu' é Tontemboan

⁴ Icuaku in taniitu, ampa'paan awéan tou sé sumolisipo mai an uner iow. Séra itu sé tou ra'ica makiit in lalan i Casuruan. Séra itumerimao in upus aitambér i Amang Kasuruan taan ra'ica pengakiiten éra eng kasalé'an-Na, wo isuméa' mengapaké in upus aitambér-Na itu wosama' ro'na isalu éra eng kasalé'- an in owak éra sé ra'ica loor. Wo ka'i ra'ica pangakun éra sapaoka wayake' si Yesus Kristus si Makakawasa wo Apo'ta. Sé tou tanu isérao sé indioré'wo aitantuo makéré oka in ukuman.

Yudas 1:4 ပူးပေါင်းရင်းမြစ်များ

Matius 13:25

Taan asi sangawengi an tutuw é tou kinakili'ano waya, si kaséké' i makauma itu mai muras in lulumbo ing kuung an uner ing gandum itu wo sia maréng.

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 15:24

Aipatic ami en surat anio', ampa'paan lininga ami awéan piraan tou sé ai cami owo imangéo ai camu. Séra lumicoko i ngaas iow wo méma' icamu ra'io makaaté in sama' in sususuien éra. Sé tou itu ra'ica airu'du' ami mangé ai camu.

Galatia 2:4

Awéan sé tou tanuoka woo maémano a si Yesus Kristus taan séra towo. Icasalé' éra pakasa sé tuama sunaten. Séra muntep ang karapi i maene- enep an jamaat en tumi'tir sa awéan tou sé ra'io ka'i mengakiit in ukum Torat ampa'paan maéman a si Yesus Kristus. Icasalé' éra wosama' sé tou maéman kasake' pakawa'kesen in ukum Torat wo kinawasa in ukum itu.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

1 Timotius 5:8

Ampa'paan sa awéan tou ra'ica kiim murus sé poo-poowna wopé'ka'i kapoownapé' in esa, sia itu isumangkalo im paémanenna a si Yesus. Si tou itu lumébémai eng kaléwo' wo sé tou sé ra'ica maéman a si Casuruan.

2 Timotius 2:12

Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.

2 Timotius 3:6

Ampa'paan awéan piraan tou an uner éra muntep maene-enep am balé é tou walina e matawér sé wéwéné bodok sé taporak katawéran ampa'paan sé wéwéné itu wutu-wutul mendam ing keli kamesé-meséaan wo kinawasapé' ing kasalé-salé'an in owak.

1 Petrus 2:16

Kamu anio' tou sé ra'io pakakawasan ing kamesé-meséaan ampa'paan kamu aiwekaro i Amang Kasuruan ang kakawasaan ing kamesé-meséaan, taan tioo pepaké-pakén eng kaloasan itu en tumutuw ing kaléwo-léwo'an iow. Taan menonouo mio' kamu tanuoka ata-Na.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.

1 Petrus 4:18

Ang Kitap Le'nas aipatic in tana'i, “Sé tou maéman sé mengéma-ngéma' im butul musti mawendu owo, kumawus in itu séra ro'na makéré ing katouan akar ing kauré-uré. Sa taniitu, tambisa e mamuali oka a sé tou sé ra'ica maéman a si Casuruan, wo sé tou iméma' ing kamesé-meséaan?”

2 Petrus 2:10

Wo eng kataré-taré akimen-Na, sé tou sé asalo makiit ing kasalé'an in owak sé ra'ica wutul ampa'paan kasalé'an in esa wo maroros ing kawasa i Amang Kasuruan. Sé guru ra'ica wutul itu ra'ica wana eng kaindé'an wo tirayo akar séra ra'ica maindé' maroros pakasa sé menonou an sorga sé iparayo wo pasiriin.

2 Petrus 2:7

Taan si Lot linowir i Amang Kasuruan, ampa'paan sia tou si mengaéma' im butul an dior-Na. En até i Lot ra'ica mento' mawendu ampa'paan im paémaan é tou sé ra'ica makailek in ukum wo asalo makiit ing kasalé'an in owak sé ra'ica loor.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

1 Yohanes 2:22

Si séi réén si kotowo itu? Tantu si tou mengasangkal si Yesus itu Kristus. Siao si kaséké' i Kristus wo mengasangkal si Amang wo ka'i si Toyaang.

Yudas 1:15

Wo susur in tou akimen-Na oka wo mukum sé tou mengaéma' ing kamesé-meséaan, ampa'paan pakasa eng kaléwo'- an sé pinengaéma' éra wo pakasa em pakaroma' éra mengawawa' wo mengawuruk i ngaran i Amang Kasuruan.”

Yudas 1:18

Aicua éra, “Sa maayo en endo kaka'puan ing kayo'baan, mapaturu' oka mai sé tou koséro'. Séra itu menonou makiitke' ing kasalé'an in owak éra sé ra'ica loor.”

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”