Yudas 1:23 - En Taar Weru a nunuwu' é Tontemboan

²³ Tawangeno sé tou sé icasélé'kowo em paémanen wosama' séra ro'na malowir, en itu meputéo kamu icumesot séra asi api naraka owo. Wo ituru'o ka'i mangé eng kaupusan iow a sé tou walina taan mareti-reti mangé wosama' kamu ra'ica katawéran mengaéma' ing kamesé-meséaan kaputé wo iséra. Wo maricao mangé asi karai éra si makotoro, en itu meputé icamu masuut im peri éra sé karican oka mai.

Yudas 1:23 ပူးပေါင်းရင်းမြစ်များ

Roma 11:14

Arapenku, ang karapi in tawoienku itu sé tou Israel sé esa taranak wo yaku manganat ai camu tou ra'ica Yahudi. Ang karapi in tumaniitu, arapenku aku ro'na lumowir piraan tou asé tou Israel.

1 Korintus 15:33

Tioo iwaya sé tou walina muwak icamu. ‘Si tou, mandé makaperi in loor, ro'na maléwo' sa makara-karapi wo sé tou léwo'.’

1 Korintus 3:15

Taan sa en tinawoina matunu, sia marugi oka. Mandé ka'i in taniitu, sia in esa malowir, taan en owakna tanuoka si tou icaséip kumesot an api.

2 Korintus 5:11

Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.

2 Tesalonika 3:14

Sa awéan tou ra'ica kiim kumiit sé aipatic ami an surat anio', kamu musti mareti-reti wo tioo makara-karapi wo si tou itu wosama' sia malawi'.

1 Timotius 4:16

Ampa'paan ituo, téirano mangé sumama-sama' en owakmu wo ka'i téirano mangé sumama-sama' en sususuien wutul itu. Ico musti le'tek mengaéma' im pakasa in itu. Sa émaanmu waya en itu, ico lowiren i Amang Kasuruan ang karapi é tou sé mengalinga ai co.

2 Yohanes 1:11

Ampa'paan si séike' en tumerima si tou itu wo méé in siri', sia itu iméma'o in léwo' meputé wo si niéma' i tou itu.

Yudas 1:22

Turu'o mangé eng kaupusan iow a sé tou sé marua-ruapé' até em paémanen.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.

Wahyu 3:4

Taan an Sardis awéané' sé tou sé ra'ica kumotor ing karai éra. Séra maya' oka mewali-wali wo Yaku mekarai ing karai kulo', ampa'paan séra patus tumerima in itu.