Yudas 1:22 - En Taar Weru a nunuwu' é Tontemboan

²² Turu'o mangé eng kaupusan iow a sé tou sé marua-ruapé' até em paémanen.

Yudas 1:22 ပူးပေါင်းရင်းမြစ်များ

2 Korintus 2:8

Anaé, pekiupusenku ai camu, ituru'o mangé ai sia sapaoka kamu uli-ulit mengaupus sia.

Galatia 4:20

Icasalé'ku keli mewali-wali wo icamu wosama' aku ra'ica repet rumoma' ai camu. Taan intarépé' aku mentayangan wo icamu akar repetanku i rumoma' ampa'paan ra'io kailekanku sapapé' en émaanku ai camu.

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

Yudas 1:21

Menonouo mangé ang karapi i mamangén asi upus i Amang Kasuruan, ang karoro'an iow mengento-ngento' si Apo'ta Yesus Kristus tumuru' ing kaupusan-Na, wosama' kéréan iow eng katouan akar ing kauré-uré.

Yudas 1:23

Tawangeno sé tou sé icasélé'kowo em paémanen wosama' séra ro'na malowir, en itu meputéo kamu icumesot séra asi api naraka owo. Wo ituru'o ka'i mangé eng kaupusan iow a sé tou walina taan mareti-reti mangé wosama' kamu ra'ica katawéran mengaéma' ing kamesé-meséaan kaputé wo iséra. Wo maricao mangé asi karai éra si makotoro, en itu meputé icamu masuut im peri éra sé karican oka mai.