Yudas 1:21 - En Taar Weru a nunuwu' é Tontemboan

²¹ Menonouo mangé ang karapi i mamangén asi upus i Amang Kasuruan, ang karoro'an iow mengento-ngento' si Apo'ta Yesus Kristus tumuru' ing kaupusan-Na, wosama' kéréan iow eng katouan akar ing kauré-uré.

Yudas 1:21 ပူးပေါင်းရင်းမြစ်များ

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 14:21

Si séike' en tumerima im peré-perénta-Ku wo pengaémaanna, sia itu mengaupus Yaku. Si séike' si mengaupus Yaku, sia itu icaupus oka i Amang-Ku, wo sia ka'i icaupus-Ku oka. Wo ituru'-Ku oka ai sia si séi Aku.”

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Roma 5:21

Anaé, kita musti maté ampa'paan kita mengaéma' ing kamesé-meséaan. Taan si Amang Kasuruan itumambéro mai in upus-Na ai cita ampa'paano i Yesus Kristus Apo'ta akar kita nianggap wutul i Amang Kasuruan wo makéré ing katouan akar ing kauré-uré.

Roma 5:5

Wo em paarapen tanu siitu ra'ica iméma' icita matapé, ampa'paan kailekanta tambisa eng kaupusan i Amang Kasuruan ai cita. Wo aiwéé-Nao e Roh Le'nas matawoi an atéta, wosama' kita ro'na mendam ing kawangko' in upus-Na ai cita.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Roma 8:39

kawasa-kawasa walina sé an langit kuma'pa sé an untep in tana', kuma'pa sapake' mangé en itu ra'ica méma' icita icatané an upus i Amang Kasuruan, si aituru'-Na ai cita ampa'paano i Kristus Yesus Apo'ta.

2 Tesalonika 3:5

Pangileken ami a si Casuruan wosama' akinen-Na mai kamu akar en até miow makailek sapaoka si Amang Kasuruan mengaupus icamu wo ka'i si Yesus Kristus mengawéé ing katalesenan ai camu.

1 Timotius 1:2

Ico é Timotius uli-ulit toyaangku am paémanen. Pangilekenku a si Amang Kasuruan wo si Kristus Yesus Kasuruanta, tumambérai ing kamang, tumuru' mai ing kaupusan wo méma' ing katouanmu elur.

2 Timotius 1:16

Taan wayake' si Onesiforus si ra'ica taniitu. Pangilekenku wosama' si Casuruan méé mai ing kaupusan-Na a si Onesiforus wo sé pamaléna, ampa'paan sia tatap mengéma-ngéma' yaku arui. Sia ka'i ra'ica malawi' mengaai a yaku, mandé ka'i aku am bui.

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

2 Timotius 1:2

Timotius, ko tanu toyaangku in esa wo icaupusku. Pangilekenku a si Amang Kasuruan wo a si Kristus Yesus Apo'ta en tumambérai ing kamang, tumuru' ing kaupusan wo ing kaeluran ang katouanmu.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

2 Petrus 3:12

Wo ang karoro'an iow mengento-ngento' in endo itu, musti pengéma-ngémaan iow sé icasalé'-Na wosama' si endo itu maayo mario-rior. Asi endo itu en langit makatunu-tunu wo pakasa sé an langit rumano ampa'paan ing kapaso' in api.

1 Yohanes 4:16

Kita makatuuso wo mercayao in upus i Amang Kasuruan ai cita. Si Amang Kasuruan itu e makaanu in upus. Si séi si mengaupus sé tou walina, sia itu imeesa wo si Amang Kasuruan, wo si Amang Kasuruan ka'i meesa wo sia.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.

1 Yohanes 5:21

Toya-toyaang sé icaupusku, kamu musti mareti-reti, oréoka kamu maapo' a sé opo-opo'.

Yudas 1:1

Siri' a yaku owo, Yudas. Yaku anio' ata i Yesus Kristus si mepoow wo si Yakobus. En surat anio' aicirim a sé tou sé tinowa i Amang Kasuruan sé icaupus-Na keli wo ka'i sé pakatéiran-Na e mamuali tou i Yesus Kristus.

Yudas 1:22

Turu'o mangé eng kaupusan iow a sé tou sé marua-ruapé' até em paémanen.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.