Yudas 1:16 - En Taar Weru a nunuwu' é Tontemboan

¹⁶ Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.

Yudas 1:16 ပူးပေါင်းရင်းမြစ်များ

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Yohanes 6:41

Wo sé tou Yahudi membere-mbereng andumoro' i Yesus, ampa'paan aicua-Na Sia itu kakanen si tumumpao mai an sorga owo.

Yohanes 6:61

Kailekan i Yesus sé tou makii-kiit Sia itu membere-mbereng ampa'paan in ituo icua-Na ai séra, “Kéitu, ra'ica réén icasalé' miow sé aicua-Ku itu?

1 Korintus 10:10

Wo tioo kita mengi-ngimburung kaputé im pengaémaan é piraan ai sera itu, siituo séra pinaté i malaékat im papaté.

Galatia 5:16

Si anioo em peangé-angénku: Kamu musti menonou kumiit ing kasalé'an i Roh Le'nas. Wo in taniitu kamu ra'ica menonou oka kumiit ing kasalé'an in owakmu in esa.

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Filipi 2:14

Sapake' en émaan iow, émaano mangé en itu ang karapi i ra'ica mengi-ngimbulu wo tioo ka'i meindo-indoan roma',

1 Tesalonika 4:5

Tioo kamu menonou kumiit ing kasalé'an in owak sé ra'ica wutul, wayake' sé tou ra'ica makatuus si Amang Kasuruan si mengaéma' in tanu siitu.

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.

2 Timotius 4:3

Émaanmu waya en itu, ampa'paan asi esa endo mengangai sa, sé tou ra'io kiim luminga in sususuien wutul itu. Taan taré towan éra sé guru sé icasalé' éra e marui in até éra ang karapi i nunuwuun manam pengalingan.

1 Petrus 1:14

Kamu musti le'tek a si Amang Kasuruan meputé si toyaang le'tek a si amangna, wo ra'io toro kawasan ing kasalé'an in owak sé ra'ica wutul sé an owak iow indior an tutuw iow ra'ipé' makatuus si Casuruan.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.

2 Petrus 2:10

Wo eng kataré-taré akimen-Na, sé tou sé asalo makiit ing kasalé'an in owak sé ra'ica wutul ampa'paan kasalé'an in esa wo maroros ing kawasa i Amang Kasuruan. Sé guru ra'ica wutul itu ra'ica wana eng kaindé'an wo tirayo akar séra ra'ica maindé' maroros pakasa sé menonou an sorga sé iparayo wo pasiriin.

2 Petrus 2:18

Séra menganuwu' mapaké i nunuwu' mengaangkai in owak wo ra'ica wana torona. Wo em pasusui éra ka'i andumoro' ing kasalé'an in owak mabersina en tumawér sumawel sé tou sé ra'ipé' uré icumesot an uner é tou sé mengakiit in sususuien ra'ica wutul itu.

2 Petrus 3:3

Kataré-taré si musti kailekan iow tana'i: asé endo-endo matawio kaka'puan ing kayo'baan, mapaturu' oka mai sé tou eng katouan éra pakakawasan ing kasalé'an in owak éra in esa sé ra'ica wutul, séra maai oka suméro' icamu.

Yudas 1:15

Wo susur in tou akimen-Na oka wo mukum sé tou mengaéma' ing kamesé-meséaan, ampa'paan pakasa eng kaléwo'- an sé pinengaéma' éra wo pakasa em pakaroma' éra mengawawa' wo mengawuruk i ngaran i Amang Kasuruan.”

Yudas 1:18

Aicua éra, “Sa maayo en endo kaka'puan ing kayo'baan, mapaturu' oka mai sé tou koséro'. Séra itu menonou makiitke' ing kasalé'an in owak éra sé ra'ica loor.”